adipapang
adipapang[1] (kamu nu Amilika: butterfly, nu mitesekay a nipangangan: Papilionoidea) u sisicalekahayay ku sapikpik (翅膀) a palumata. ina adipapang sa kaidawan tu makay sasa tu 1800 ku sadibuan silalecad nuidang, hakya idaw ku 20000 nu masadumaay a lihat. nasulitan itini sa u kacaledesanay a lihat ku sasakamuwan, nika ina mahiniay sa anu sikatalacuwacuwa sa maadih tu ku nikaculal saan. ina mahiniay a dadipana' sakahenulan u ayaway a sapikpik masatanayu, nudikudan a sapikpik sa apuyu masadicem, tabaki ku bili, u baluwang sa kibutul saan tanektek, nu bilianay i kikul (尾) sa munayat musaselic ku kulit, u ngawa sa adiding malikaku. piadih tiya udip sa mahtaneng tu katabakian tu atudi, kyu taneng a misakalamkam tatuletules sa matenes a mubahel (飛行), nipibahel sa katukuh i paytatukian makaala tu 40 atu 50 kung-li kabaad.[2]