cacay a bataan ku cilal

u kungku nu baki.

kungku

i sumamad nacacay a bataan ku cilal.

makai' tu nina cilal ku lala' mahiza u nipalamalan ku akuti', caay tu kamaluk ku malukay. caay tu mulangaw ku nipalumaan, milimek tu ku tademaw i buhang nu ba'tu tu demiad, samsamdeb tu i tiya tahekal. cacay a demiad, masaupu ku niyazu'ay a matatengil, a hicaan a miliwan kya cacay a bataan a cilal saw sa, izaw ku misakamuay “a i labulabu nu lala kita mueneng” sa, nika caay ka kapah ku mahiniay sa amin.zaysa, anu maudad a mabalad tu, izaw aca ku misakamuay “misanga' kita

tu tabakiay a padahung, hangay matahpu ku niyazu”. caay ku kapah sa amin, zaysa, anu maninel a maluyuh tu, i tawya sa satinengay miadup a tademaw musakamu tu ”na pana’en ita kya cilal” hung sa tu amin ku kamu niza. zaysa u sataluday a tatama ciniza i niyazu', cila tu, tatama nu niyazu' mikilul amin a mipana' tu cilal.

u tatayna tu a dada ku i luma’ay, matenes tu ku tatayna mihalhal i luma’ anu caay henay kapana’ kiza cilal, caay henay kataluma’ ku tatama, kyu pasaupu hantu nu acawa ni talud ku tatayna nu niyazu’ay a musakamu.

amana piida tu tatama, a ita tu ku mamisakakawaway. hini satu ku cacay a tatayna, a misasalil kita, a mizakep tiza cilal, kya saupu satu ku tatayna amin a u sakapahay ku sapisasalil ita. anu taluma’ mabi' tu ku cilal, zakep hantu ita. mazakep tu ku pituay a cilal, mahetik i bayu mapatay tu, u liwan tatulu tu kya cilal matalaw, muangic tu tataynaan. sakamu hantu nu acawa ni talud,

amanga kamu ka kiinacacay a malecalecad a tahekal, a mapatay kami nu akuti’, a hicaen mauzip. matalaw kya liwan nu cilal.

hang satu i tataynaan.

“pung” satu ku cacay a cilal, mala bunac tu, masasukamu tu kyaliwan tusaay a cilal, u cacay sa demiad a tahekal, u cacay sa

u sansandeb a tahekal, ya sansandebay a tahekal sa u bulad kuyza.

makazih satu ku tatama cacay tu ku cilal, tanu namuh satu a taluma', matineng tu kuheni alaw u nu tatayna a nikawawan, u

citangahay ku tatayna sa ku tatama, katukuh ayza, makazatenghenay kaku tu kungku ni baki.