cuayay adidiay a talastas ayam

sibalitu a katukuhan tu puu’ nu sepatay a bulad amalingatu makaytimul mubahel mikilim tu dihkuay a kitizaan, ya talastas ayam mahiza u nitapidan tu nipadadepitan a dawa kasalungan, sacacay sa amatatules kuyni u i hekalay kanatalay atu subal. i tini Taywan wali saamis a kalimucu’ Cinsan u masengetay a lala', u nu walianay akabulawan a zazan tayza i kapahay a kitizaan, hinalilid tu katuuday ku sazuma sanay a ayam tayni pasaluimeng mihibang, sabaw tusa a bulad hawsa kabalian tu wali satipan cudet ku bali, makayni i nuayaan nu sadipasan, uzuma miladay tu pinaaytu u sienaway mangalayay miliyasay mungangaway a ayam, paymihcaan tu kasienawan, saluyaluy sa pakala tu mang makay timul mabulaway a ayam, Taywan yadah kuyni pawasa tu kasienawan a kitizaan nu ayam, matatules kya ayam makay timul mubahel, tini mala mabulaway milakecay tu bayu a ayam, katukuh i nuayaway pihibangan i Taywan. ayza sananal cacay ya “Siberia” u ciwciw nu talastas, mudebu i Cinsan, iayaw nanisulitan tu lima a lamangan mahiniay a ayam, nika u saayaway aca a mizizaw i Taywan u “Siberia” talastas ayam, pakatengil tu kamu nu tauw u misasingay manamuhay tu ayam atademaw atu mabiyalaway a binawlan, laliwliw han amitena’ ya adidiay a talastas, malukay min atademaw lihanaw akatuud ku tademaw talabu tu nikalukan a umah, amapeci’ kunikalukan nu heni, ahicaen midiput ya talastas a izaw ku kapahay a kitizaan nu heni, azihan amakalah tu, i Taypak u midiputay tu a adupan, papiculcul tu mupupu’tay amidiput cinizaan, sakacaay amacapi ku laed nu misasingay a binawlan tu adidiay a talaslas, ahacica katenes ku pihibang niya talastas hakiya, a namakay cuwaay ciniza hakya. unu “Siberia” a talastas ciniza, uyni a talastas sumamad cacay tusa lasubu a mihcaan, inai' henay ku culala sanay i Taywan, u saayaway muculal, i kitakit ci niza lalabu cacay bataan a lamangan ku mahiniay a talastas, u kalihanawan kakatalawan , u sadayumay a malawpes a adupan, mamin i kitakit hakay sepat lima malebut dada’ kya ya talastas, u micidekay cayay ka talaw tu tademaw, satu iayaw tayniay i Taywan mamin a talastas caay kalecad ku wayway, u mahiniay min a talastas kyami hawsa, pakazih tu tademaw mahiza tu i cacay lasubu dipah tusa lasubu dipah tulu lasubu dipah ku laad, sisa katuud ku mikinaulay tu ayam a tademaw pasasing kyami hawsa, hubaw sami a macekuk, zayhan caay tu kataneng ku sasasinganan tya uzip niza, uyza satu u adidiay a sapasasing atu limaki, mahini kya amasasing tu, satu ci niza tiza satu i Cisan. sisa Taywan katuud satu ku binawlan misasingay a patahekal cinizaan, uyza satu nuzumaay a kanatal malingatu amisasing a patahkal cinizaan.“Russia” a kanatal nuwalian akenis “Siberia” u sidamayay a kitizaan, u lalud ya talastas itini a kenis a siwawa, katukuh tu balangbangan kyami hawsa ya talastas saluyaluy satu mamin namakay timul mabulaw, kasienawan tayza i Chna nuwalian abesaay a taku , nika kuynian ya adidiay a talastas azihan u mahedaw atu miliyasay tu wama wina niza, pakaytimul ku bahel kaliyuhan tu katukuh satu i Taywan. “Sen yang” a taku i timul nuwalian nu Chna, uyzatu u satabakiay ataku nu Chna, mimihcaan tu kasienawan “Siberia” a talastas, kasienawan masaluyaluy tu tini kuynian masemetaya alala’, talastas lalabu nu luma’ mahiza tu kuheni wama wina atu nuayzaay a mihcaan nalecuh sanay a ciwciw nu talastas, u heni kilul sa i tapiingan masemetay a taku mikilim tu kakanan. uynian saca a kitizaan kakatayzaan nu adidiay a talastas, nika mahicaay hakya tayzasatu i 750 kungli, nuwalian timul ya cacayay a subal Taywan. uynian i “Southeast Asia” u tanaya' katukuh i lima malebut kungli makay bayu ku zazan, makay “Senberia” u nuwalian a kenis, micaliway tunuwalian nu Chna a kanatal Korea Zipun katukuh satu i Taywan, uyniyaca tulis sa taayaw nay timul akitizaan tanuayawan Philippines, sapucu' sahay i hekal nu bayu, ciniza paayaw namilawat tu pinaaytu mubahel i bayu a talastas, pawasaen tu saayaway kapah a katuhan pacena' amihebang, ya Cinsan masemetay a lala’, itini tepal nu Yeliw, uyzaan tu makayzaay kuynian a zazan nu talastas, u saayaway ataneng a kalikeluhay tu masemetay a lala', satusa zayhan mahizaaytu itiniay, amaazih tu ku yadahay u caay kayadahay atu kalihanawan malawpes a ayam, mabuwah satu kungangan nu Cinsan masemetay a lala’. ya adidiay talastas nayi’ ku wama wina ku midiputay, satu haw sa kanca a cacay musuayaw tu katuuday nu misawacuay, izaw ku ayam itiza sa izaw tu kumikilulay a makatalay a ayam, kanahatu ya makatalay a ayam u tatengaay caay pingayaw tu satabakiay a talasta, nika amisamamaw tu cinizaan,itizatu i tapuku maliyuc a misamamaw miazih, panpawa atu nu kazizeng a suni, amacekuk tu ya talastas milil satu mubahel, cayay ku tademaw didi’ ku mapatalaway uyni adidiay a talastas a mapatalaw tu,ya misebengay amaazih ku paynang hanay a wacu tayza i umah milalaba’ tu adidiay talastas, ayza kapah musipi ciniza pakalaliw, nika ya talastas sacacay satu mauzip, anu ayaw nikauzip a zazan amangelu’ ciniza. izaw ya cicinhuy a tademaw ciw min iyun, malingatu tu tacuwacuwa milakalak a muculil, adasay a taneng amidipu tuynian a talastas, uynian akawaw cay ka cacay ciniza malikeluh niza ya pitu izaw ku lima a mihcaan a tademaw ci hawng cin ci’n a tademaw, ya cacayay manunengay malukay a tademaw, naayaw paluma tu lami’ caay pasapayu tu umah, sisa ya umah niza mala kanamuhan nu adidiay a talastas akitizaan mihibang, a pakalihalay dihku ku liwliw nu talastas, amikukay ci hawng a babalaki u emul niza,pisabalucu ni hawng a babalaki nipalumaan niza a siwng he a belac, amihahal kapah amikelid tu sakatuud ku patukilay a patubeliay, ngangay akatuud ku tapiingay malukay a micumud, ngay ya masemita a lala’ mala u sapaazih a kinis tu kapahay a kalukay.