kapaysinan a kawaw

makayzaay i Wikipitiya

kapaysinan a kawaw[mikawaway-kalumyiti | mikawaway tu kalumyiti sakatizeng bangu]

ngatu cacay[mikawaway-kalumyiti | mikawaway tu kalumyiti sakatizeng bangu]

u baluhay a mapunengay a tademaw sa, tatiih a masadak nay luma' a talabuyu.

paysin, mahiza, anu masadak ciniza, amaudad amakenutan saan ku babalaki.

u kenutan sa, izaw ku sakahiza nu tatiih nu demiad saan.

anu namacilalaytu ku demiad, tuna talabuyu ciniza sakamaudad.

anu kabana'an nu tadetademaw ku nika talabuyu niza, u mamatebuc niza.

u cacay nu pisatatiih niza tu binawlan ku kawaw niza.

ngatu tusa[mikawaway-kalumyiti | mikawaway tu kalumyiti sakatizeng bangu]

u zumasatu, i ayaw nu nika lingad nu tademaw sa, anu izaw ku basingay a tademaw sa, o sakamaduka' nuya malingaday.

tinaku, u nanu sienaw nu kamangay tu nika kitec nu demiad atu nika caay kadengay ku zikuc niza, baesing ciniza.

itiya i malitudung ku kalingdan nu babalaki, supa'en nu babalaki ciniza a maynahen.

ngatu tulu[mikawaway-kalumyiti | mikawaway tu kalumyiti sakatizeng bangu]

uzuma sa, itini i kasaupu nu babalaki i luma' nu nima, anu izaw ku maesusay, anu matengil nu babalaki sa,

tebucen nu babalaki ciniza. u pisamsam tu babalaki kuini saan. saka, papiacaen niza kuya tademaw tu epah.

ngatu sepat[mikawaway-kalumyiti | mikawaway tu kalumyiti sakatizeng bangu]

uzuma sa, yu tahekal kisu, anu izaw ku suni nu ciruk,

anu misiayaw tisuwanan kuya ayam a masuni i kawanan isu sa,

u sakakapahtu nu culil nu misu saan.

anu misiikul i tisuwanan a masuni kuya ciluk, izaw ku hica a sakalatiih nu misu saan.

anu satiwatiwal saan a maeber a talakawanan, talakawili, anu tataang ku suni nuya ayam sa,

u caci'ilu kisu saan. mahaenay kunu kapaysinan a kawaw.