mibutingay Pusung kapah nu Amis

makayzaay i Wikipitiya
跳至導覽 跳至搜尋

Amis a binacadan[mikawaway-kalumyiti | mikawaway tu kalumyiti sakatizeng bangu]

kakiliman[mikawaway-kalumyiti | mikawaway tu kalumyiti sakatizeng bangu]

na makayzaay i Pusung a kapah nu Amis, saba pitu ku mihcaan miladay tu wama niza na masasukaynah tu wama niza, masubelid tu i “Spain”, namiliyas tu niyazu’ melet ku sapelek tulu tu a bataan izaw ku walu a mihcaan.

nilaculan[mikawaway-kalumyiti | mikawaway tu kalumyiti sakatizeng bangu]

sakamu sa ci Cen tung min: cay kalinges tu wama kaku tu pisubelid niza i nuzumaan a kanatal, aku ku patelacay cay pitengil tu kamu nu wama, sisa mahini, ayza satu maydih tu taluma’ i Taywan, milepun tu naybalucu’a nu wama a pataluma’ i takuwanan. Cung yang se nisulitay nu ayzaay ani patelayan a mizizawan i bataday satip nu wamisan tu likut nu bayu a subal “Lanzarote” a subal kapah nu Amis ci Cen tung min, tengil han ku ngiha niza nu Beijing ku ngiha atu sicamulay tu nu yincumin layak a kamu, sakamu sa adada ku balucu’ tu caay pidiput tu babalaki sa ciniza. wama atu wina niza i 97 ,98 a mihcaan mabelec tu. i telay tu kamu niza kesem sa ku kamu,sakamu satu: cay pidis tu babalaki kaku uzasa hanima sa kaku tu i takuwanatu. tatenga’ay kau aku ku micuayay tuhenian. nika cayayaca. pizateng ni Cen tung min maydih taneng ayaw nu pisiwngacean taluma’ mibaung tu babalaki sa cinia, milepun tu caay pilihiza padungus tu wama atu wina.

sakamu sa ci Cen tung min, u balucu’ aku a taluma’ a miazih tu saba atu sabana amin. kamu aca mihalhalay tu pipangtangan nu wawa, aladayen aku kuheni taluma’ i Taywan paazih tu baina niza.

lima bataan izaw ku lima a mihcaan ci Cen tang min mizateng tu ya masubeliday tya sandeb, sakamu satu tuya labi namapulung tu tizaay a tademaw maliepah mabusuk kaku itawya maliyuh tu tademawan, nengil satu nai’ tu ku tapiingay a tademaw, zateng satu ciniza i cuwatu kaku sa mabiyala tu ku balucu’, namahiza sa culil satu pinaaytu a tatukian ku culil, kutukuh satu i matu azihan nayay tu ku balunga miliyas tu amin malawlaw malalum tu ku balucu’ niza, hica satu kaku sa amizateng. hinisa ciniza: i tawaya satu malingatu tu milakala’ i zazanan mikilim tu sasakakawawan a sakauzip, u kawaw aku uyza u nanunul sana, nika u zuma a tawki matalaw tu inayay ku minbunsiw a tademaw matalaw a mabaking, musepi malikelih ku kapahay a tademaw papikulil cinizaan tu mibanaway tu kaysing. uzuma satu caay kazateng aku sa ciniza i “Lanzarote” a subal tu ci “ Arrecife” hawsa, malalikeluh tuway nu Taywanay a papikanan a tawki, namalapadang kuheni palita hantu niza taneng pabelien tu sakawawan kaku haw hanniza , itawya tatudung saca maydih tu mamisakawaw a tademaw, satu itiza satu mikuli tu cacay, tusa a mihcaan, itiza tu malikeluh ku ayzaay a acawa ziza. nika nayay ku minbunsiw katalawan a mazakep amalubu, cay katenes itiza mikuli hina pasumasuma tu pikulian ciniza, upihacengan cacay, tusa a mihcaan nai’ ku pikulian.

sakamu satu ciniza, itawya acawa aku nayay tu ku pikulian sa, u sakauzip nu luma’ay a kalisiw wiza dada pipadang nu cebu tu nu wawaay atu nayay ku kakulian, caay kataneng ku sakauzip uyza satu i kananaman a cabay micaliw tu kalisiw, amipadang i takuwanan, mangelu’ kuni kauzip hini satu ku nikauzip tu pinaay tu a mihcaan. ayza itiza satu mikuli tu yaanay tu a tawki, maliyun tu nu Taywanay a tademaw mihcaan caay pihibang, enem ku tatamaan cacay ku tataynan a wawa aku, katuud sapahabay aku, sakakaay sabaw walu ku mihcaan a micudad tu talakaway a cacudadan tatusa ku micudaday i adidiay a cacudadan.

Cen tung min i “Spain” na mapatelay na masasakamu tuway tu waina niza, mazateng henay niza ku kamu nu ina. i tiza anu siacawa siwawa tu kisu sakapah hatu midiput ku heni sa amitulun i takuwanan. nika i kalingku tu1990 a mihcaan namaninel tu 6.7 katabaki a ninel hawsa, cay tu katatules ku patelayan, na makayza mahedaw tu ku namaykay luma’an a ngiha.

kamu tu makayzaay tu sapisinsi tu sakataluma’ a minkiw, tengil han ku kamu niza mahapinang tahkal tu ku ngelu’ pades niza. maydih tu taluma’ i Taywa ahicaen ku kawaw satu ciniza, katuud ku cabay aku ,anu taluma’ tusa maliyuh tu pananukas sa kukamu, sisa mabiyalaw tu kaku sa anucaytu pananukas ahica hatu ku i tiniay a acawa atu wawa sakaku acima satu ku pahabayay saku kamu niza, satuwa sa, napinatu amikilim tu Taywanay mikuwanay tu situdunga tu mahiniay a kawaw misinsi tu baluhay a minkiw, nika nisulitan niza patayzahan i situngusay tu mhiniay a kawaw malasawat nai’ ku wantan, patelayen mipalita, patubeli sa kayzuen amin ku nisulitan sa, nipatengan tu nuheni cay pisanga’. sakamu satu ci Cen tung min, anuitawya nisulitan masakapah malepun tu ku nisangaan, hakya cay kasidai’ ku wama aku a mapatay.

wama niza maydih a pataluma’ cinizaan, misulit tu sapakaketun a mibutingay i kusi kinasiwa tulu a mihcaan kuni sasulitan nu hini. pulung han tusa bataan izaw ku pitu a mihcaan a mibuting, kanahatu napinatu i “ Spain” a subal saluimeng mihibang ku balunga, nika cayay saca katepa ku masubeliday niza a wawa. sakamu sa ku sabana ni Cen tung min. yu adidi henay kami cay katineng mahica hakya mihmihcaan taluma’ tu ku wma cacay a bulad yazatu miningkukay mibutingtu sakaku sa, balaki satu kaku palita hatu aku ku wama aku, sakamu satu. zayhan u kaka isu masubelid iza henay i “Spain” sa, i ayaw u patelac aku a kilimen aku pataluma’ sa, sakamu satu ci Cen tung min: uzuma atademaw, miliyun tu nu taluay a mingkiw, hakya itawya anu hinien aku ku kawaw a lihalay tu ayaw nu tuluay a mihcaan, matengil niza taneng amakilim ku baluhay tuyaanay situngusay musakawaway a tademaw sa, u pitudawa nu wawa niza, muliyaw haca misinsi tu minkiw ciniza, laheci satu maala ku nisulitan, cunus hantu pipadang nu niyazu’ay a tademaw tulu a demiad i Pusung ku piculi mikawaw tuyni, makilimtu tu mabulaway i niyazu’ a sabana niza, satu makilim tu ku kapahay balucu’ a tademaw mipadangay, bulawsucu i Pusung mikawaway tunian a tademaw ci Cen ing pin, kya lepun satu ku sakataluma’ niza.

namakayniay a nasulitan nakamuan atu natengilan[mikawaway-kalumyiti | mikawaway tu kalumyiti sakatizeng bangu]