miladis

amakatukuh tu mila’dis sa, apakaen tu Alikakay. mi capi tu pibacangan nu hulam,nu hulam sa apkaen ci 屈原,nu mita sa pakaen tu sakatalawan a Alikakay. katinengan nu maku tu miladis sa, caay picapiaytu bayu mauzipay sa i sauwac milisin (mibetik), matabal tayz tu papubu i sauwac ku tatama nu niyazu’. u tatayna i luma’ han misakakaw, misahakhak, misatunuz, a saptaza (patabu) i tatamaan ku nu tatayna a kawaw.

izaw ku micapiay ku bayu a niyazu’ sa ,mipayhay sa ,sadingsingan kapah tu ku demiad, taneng tu ta bayu mibuting,manay

mipayhay satu ku tumuk,tatenga yadah masibek ku buting taluma’.

Pakelang saan tu i zikuzan nu kalaluman a demiad a pibuting. anu pakelang tu, anu mali’alac tu i, u malecad tu malasawad

tu nika u mahetek tu ku kawaw. nu mita i amisay sa mili’alac uyza tata izaw ku mabelecay nu lumaay a tademaw.anu izaw

ku lisin nu niyazu sa u milibasaw kuyzaan.

nu binawlan a pibuting sa a kawaw han ku nu Amis,misacepu han ku nu papasawali, mikesi’ hanku nu Falangaw,

kumulis han ku nu i lawacay nu talawadaw.uyzasa i tiniay i talawadaw a pitizeng ku kumulis hananay a laylay a kawaw a

mibuting. u mahiniay a pibuting sa, u zuma ku nu Kiwit a kawaw. i Satebu pasatimul katukuh i Cilamitay, teban ku sabalat

nu nanum nu Talawadaw. kelahen ku nanum ta mibuting.u Kiwit sa pikumulis nayi ku nu sabalat nu nanum i Kiwit,caay

pitena tu nanum ku heni.sisa misadim atu pasalil ku nu heni a pibuting tu kumulis hananay. nu sakuyni nu binalawan,

u kumulis hananay sa, u malaladay nuniyazu’ tu mihecahecaan,u zuma satukeled han nucacay a niyazu’ ku lingtu, u

zuma sa mapulu g ku pinapina a niyazu’ a malacecay ku lingtu, anu iayaw nu pilisinan, anu caay ka saan, i zikul nu

lisin sa,malingatu kumulis i zuma.maedem tu piniwaniw han nu niyazu’ tu, i lalud i ayaw nu kacipunisan nu tipus, a cacay

ku malingtu ,anu dadawa sa tusa ku demiad cacay ku sandeb, anu mangdih sa tusa ku sandeb tulu ku demiad. anu

tabaki ku nanum ku pialaan tu saka dadawa atu saka nisaungayan ku nikaydihan a maysaketun nu lingatu.

u Taladaw i maka Kumpu atu Puseku i .mananienal (平坦) ku bukelal i tiza saka yadah ku sabalat atu katatupitup

nu nanum itiza tu micumud i buyu, sadak sa i Cepu. i tawya naiy henay ku mibatiliay atu iyu nu tipus atu umah. yadah

ku makacuwacuwaay a buting a mauzip i Talawadaw,kanamuhan nu dademaw a mibuting sasikaen.yadah ku kasasiluma’

nu kawaw, micadiway, mitabukud, mitena tu adidikay a nanum, palakaw hatiza ku kawaw.

u nuniyazu’ kumulis, mipili tutabakiay a sabalat nu nanum . i zuma sa, katukuh i kakeletan, anu caay saan,katukuh i baluwan

ku nika talakaw nu nanum.maheda ku kangeluan mikumulis,ahecaan saw u kawaw nu babalaki.

a itiya makelah tu ku nanum a mibuting,u lalusimeden tu kusipitenaan i, u kilang maluhecek, u eli’ atu penen, u tabayal, u

ba’tu atu liken sasilac han mipazen hatiza. i nu ayaw pilingatu nu kumulis. sakamusa ku kalas nu iyazu’ a tapang,

pasaupuen nu tumuk nu niyazu’ ku misakakawaway nu sakapahay a miketun tu demiad a malingtu. maketun tu ku demiad

sa,miawaw tu ku tumuk nu niyazu’ tu sikawaway nu binawlan, i tiya a paheci a palatuh tu binawlan ku tumuk nu niyazu’ tu

saka lingatu mikumulis （河祭), itasa tu i bayu mibuting, milaedis han kuyni.