misaungayay:Mahitakassabak
Sami a tademaw
nilaculan
Sami a tademaw, u mueneng i Sami kitidaan, nu Fenlangukel ku kamu nuheni a Yincumin.
Aydaay a kitidaan pasu saamisan nu Nu-wi, Duey-dien,Fen-lang atu Elus-mul-mang-sk mamin.
aenengan nu Sami a tademaw iti Sekentinawiya hananay.
i saamisan nu Ucu a Yincumin, u malasacacayay pidatengan atu pidiputan nu kitakit a tada Yincumin kungye kuheni. u kakawsan nu Sami a tademaw, caay pisadadateng tu aenengan a lala' nuheni i sumasumamadan henay.
u Sami a kamu ku kasasukamuen nuheni, mahiniay a kamu patayda hen pala U-lal a kamu. i amisan nu U-cu ku aenengan nu Sami a tademaw maudip kuheni itida makaala 5000 a mihcaan.
caay kalecad ku sakaudip nuheni, macapiay tu bayu mibuting ku sakaudip, dumaay a sakaudip miadup, miala tu banu’nu aadupan atu pahabay tu sidi.
u katinengan micidekay a sakaudip nuheni, uyda salimalimad sananay tu aeneng atu pahabay tu ngabul. iti amisay Ucu a kitidaan Duey-dien asaca Nu-wi, masulit i likec kapah itini pahabay tu ngabul kuheni tu sakaudip.
mahiniay pahabay tu ngabul dayhen nanutawya nu babalakiay, nu mulangaway, nu lalangaway atu cengceay a lalekalan hidahida satu katukuh ayda.
Sami a tademaw sa, iti Nu-wi, Du ey-dien, Fen-lang caay kapapinapinaay a binacadan kuheni, nika singanganay tu nu kanatal a Yincumin kuheni. u Sami a kamu nuheni, caay tu ka katuud ku mapadiputay a binacadan itini i Dueydien, Fen-lang, Nu-wi, pulung waluay a Mang hatida ku tademaw, namahini idaw tu ku Sami a milubangan itini( Fenlang 1973 a mihcaan, Nu-wi 1989 a mihcaan, Duey-dien 1993 a mihcaan.)
likisi
yu i baluhayay baetuay nisanga’an a ditay katuud ku muenengay i Sekantinawiya pantaw a kakitidaan, miadup tu tademaw, nisupedan, mibuting ku sakaudip itida, ayaw mabatabadaday tu ayda tu cacay Mang a mihcaan, makatepa tu katahkelan nikutkutan a tutuud tinaku: u nituduhan a lala’sakalukan nuheni, atu madicemay sapiadup a pana’ atu betil, idaw aca ku taw i amisan nu Nu-wi, makatepa’ tu ayaw mabatabadaday tu ayda tu 6000 a mihcaan nu nabalakiay malumanlumanay nikulitan i depaddepadan cabengay a kulit, mahiniay nitadasan tu lalangawan a kitidaan makay i amis misaaheahebal tayda nutimulan nu Sekantinawiya pantaw katukuh Elus sanglacay a bayu.
idaw ku pasubana’ay payda nipikilim nuheni tu nibakahan a tutuud nu nababalaki i sumamad makatepa’kuheni tu ayaw Siyin 1500 a mihcaan katukuh dikudan nu Siyin 300 a mihcaan mahidaay u Semiyeng a kapuwa. payni nikatepa’an a tutuud makatineng tu picidekan nu lalangawan nu Sami a tademaw, makaadih tu sapibihekac sapidakep tu ngabul a bihekac nuheni, mahiniay micidekay a bihekac makaala tu ngabul kuheni, iti Siyueng 555 a mihcaan, idaw kya nuwaliay Luma mikingkiway tu likisi a pasubana’ay ci Prokopios hananay a tademaw, namusakamu cinida: u Skrithfinoi hananay a binacadan, madatengan cinida u Sami a tademaw kuheni saan, imahina katinengan u Yincumin ku Sa-mi a tademaw.
katukuh i 2000 a mihcaan Sami binacadan a kikin idaw ku 7500 a Mang Nu-wi a kalisiw(= Uyen 1000 a mang ) ,
ina kalisiw sapisapacakat picuduh tu Sami a kamu atu lalangawan, duma sapipabeli tu namadukaay a binacadan tu pisawacu i sumamad.
katukuh ayda idaw 8% a binacadan pahabay henay tu ngbul tu sakaudip nuheni, nika mahiniay a sakaudip caay masulut ku silala’ay a tademaw, kyu caay pibuhat tu sapapikanan a kakitidaan nuheni i kasienawan.