sakaliwhan nanay ba’tuay

Moai a ba'tu

muliyaw mulekal a subal “Easter Island” sa, idaw ku 887 kayadah nu sakaliwhan ba’ tuay maala ku mata nu taydaay miidangay pasu mikinkiway a masasaydanay, idaw ku tabakiay atu adidiay sakahida u tangah nu tademaw, laklak sa i nya subal, idaw ku kamu u Moai a ba’tuay sa, labuay ya Ahu Tahai, Ahu Akivi, Rano Raraku atu Anakena Bay ku masaupuay.

ya ba’tuay sa u i pabaway nu udip sakaadih, u duma sa yadah ku mapasilacay tu i sepatay a depah sakatalakaway atu masatanayaay kakitidaan, misulikul tu ba’yu, ya ba’tuay satalakaway sa, idaw ku pituay u duma sa makaala tu cacayay a bataan nu depah, u baket nya ba’tuay saahemaway idaw ku tusa a bataan nu 噸, u duma sa makaala tu siwaay a bataan nu 噸, nika u sakabaketay sa tada makaala tu tusaay a lasubu nu 噸.

idaw ku situpelay tu sumanahay a ba’tuay, adihen kya ba’tuay sa sulecad sa tanaya’ ku bihid, tanayu' ku tangila, i labu' maselep ku mata, u i labu ku dais, talakaw ku cihek, u ngaduy sa masalikakuh kapaadihan atu wayway nuheni sa katinengan idaw ku saketunan. u dumaay a ba'tuay idaw ku nilaculan tu mata.

u sakay tina ba'tuay sikaidaw sa, ya mitesekay amin yadah ku nu dumaay a kamu, nika u sikaala nu imahidaay henay a tatapangan sikasengian adihan,zayhan katukuh ayda sa nayay ku sakalucek, pasu i subalay a binacadan caay pakasakamu tu i mahidaay.

cayay kau ina sakaliwhan a ba’tuay a dada, ya muliyaw mulekal a subal sa u tuudtuud nu i tidaay u duma ku bangcal nya kakitidaan, cayay kaadih nu enal, u midangay a katalalan atu subayu tacuwacuwa misaungay nayay ku mikuwanay, ya talakaway silamalay a buyu, idaw ku makay labu’ay nu taku, u sakangaayay nu tademaw a tayda miidang a kakitidaan.