u nihantayan miadad tu sika dademec nu kanatalay madimutay akawaw

makayzaay i Wikipitiya
跳至導覽 跳至搜尋

u mamihantayay tu nipidimutan a kawaw sa (yingu: Counterintelligence, kitiwen misulit sa: CI) taneng a hinineng masakamu u mihantayay matatengil atu misabana tu sakatinengaw, u sakusaan anu ayaan i demidemiadan atu pingangayawan sa, sikatineng madakep mipulu atu mupenec tu ada sakacaay pakademec a sakikawaw, sapangangaw alingangula mamapabaliw nu tuudtuud a nikadademec, nikahida sa u sikaydihan tu sakangaay nu kanatalan nu udip. ku nuhitay nakamuwan a kawaw kuyni, nika ayda satu, sipasaydaen nu masasuayaway nu nikalalacal masasungayaw tu nipisiwbay a madademec u mahiniyay sa u mamihantayay a kawaw han.

nipihantayan a nipidimud a sikatineng sa (u mamuhalhalay tu nidimutan a sakatineng), u mahiniyanpy a kawaw sa idaw ku satalakaway sakacaay ka adad nu madihay mikulih tu sakatineng. kanahatu u mihantayay nikahida a kawaw sa, nika anu malalacal atu ada madademec sa, amisuayaw tu misaicelang palima sakay malaheci a masitudang, zayhan a mihantayay tu midimutay a kawaw sa malatusaay adihen i nuayawanay a kawaw. tabaki ku nipatekelan sa taneng paading tu kanatalay nu udip a sakacay kamulecis nu aalaen nu ada, mamisimaw tu sakangaay nu kanatal nu udip atu yadah ku nipiedap.

nilihecian atu nihantayan a nikaala sa mahida u saiduc atu saadig, u mamihantayay a kawaw sa idawaca ku sakacaay pakatineng tu ada a nipidimutan tu udip, imahida kasumamadan a namihcaan, umusakawaway nu tademaw sa hina miculcul ku mamikuwanay papingayaw tu nikalalacusan a mabelihay a nidateng a kaput, nikahiniyan a kawaw sa tada hinangayaw tu

caayay kalecad a nidatengaan, sisa aydaay sihulicay a kanatalay pahulicen ku musakawaway a caay tu asiduma saan mipalawpes tu caayay kalecad nu nidatengan, ancaay sa sipalayadahan miwada’ ku kawaw ngay a caay picalap ku dumaay a sakaku asa mitapat tu kabidangan nu udip.