Paske a tademaw

Paske a tademaw nilaculan Paske a tademaw u muenengay i tebang amis nu Sipangya atu tipan timula nu Faku a binacadan kamu.

       u Paske a tademaw hakay u Ucu malumanay baetu a ditay nu Kelumanueng a  iluciluc, kya mahini ku kamu saw namakayni wuya kamu nuheni nu Paske a kamu naynayi ku kalalecadan .

imahini a katinengan Paske a tademaw , nu ayaw nikataynian nuheni i Ucu , na itida tu kuheni i Ipilipangtaw maudip tu itida kuheni.

       2015 a mihcaan Duidan Upusala a tasiey patahkal tu ciin kesey  nikinkiwan nuheni, hinisa kuheni u  Paske a tademaw, u baluhay a baetu a ditay  malukay a iluciluc kuheni sa. nika idaw aca ku nu itidaay tebanay a baetu miadupay a binacadan a ciing kuheni, kyu malamlam kina tatusaay a ciing atu Ucu dumaay a ciing, kinapinapina malebut nu mimihcaan alaw kunida satu malacacay malahat.
       Payda tu pikingkiwan nuhenitu amisan nu Aitapuilka ElPultalung a buhanan makatepa’tu waluay baetuay a ditay numatenesay  tademaway a ukak, katinengan ina tademaw i ayaw 3500 a mihcaan-5500 a mihcaan u maluk ku sakaudip nuheni, u nababalaki  nu Paske a tademaw.
       namahida  katineng u nababalaki nu Paske a tademaw namakay nu Ipili pangtaw malukayay  a kasaupuan a kaput kuheni. caay ka binacadan nu tebang baetu a ditay miadupay a kasaupuan a kaput ,katinengan aca kanahatu yu pipinaay malebut a mihcaan natataytay ku   Paske a tademaw.
      nika malimad kuheni tayda i Iipilia pangtaw ,malamlam tu ku ciing atu dumaay Iipilia a tademaw . sisa ina Paske malamlamay kasaupuan a kaput u ciing nuheni idaw ku nu aydaay Iipilia a tademaw a nababalaki a ciing.
      u madadengay a kamu nu Paske a tademaw, u Paske a kamu. musakamuay tu nu kamu a tademaw, makaala 25％-30％ , ku musakamuay tina kamu ayda. sakay lalangaway seymun a kamu u pidatengan nu Paske Mingcu-cui ceng-ce-cya sa, u euskaldun kuheni saan.u kitakit nuheni Euskal Herria sa.
       adihen ku sulit Euskal Herria atu, musakamuay tu Pas-ke a kamu a kitakit  sananay.

Faku a tademaw atu Pas-ke a tademawu, ayda kamu nu Paske, matiyang malalangay nu Sipan atu atu Fakua Kuwangfang, imahini malatabakiay a munday kuyni; nika caay ka satedep ku Paske a tademawu, misaicelang kuheni malalid pasubana’tu kamu, tacucuwa papelu, asaca misulit . mahiniay makakitin ku kamu atu singangan tu nu caay ka tataytay sananay itida, ina kamu atu singangan tu nu Paske sa, malelecaday mapaadih atu kamu nu Sipan atu kamu nu Faku i kitakit. mahida wuya kayadahay a kitakit nu Ucu, u kamu atu cacanan nu Paske, tanengay maaini ku kawaw. tinaku: iti Faku mimaliay tu Kanlang a Paske a tademaw ci Imanulhalinultuci mimaliay: hini sa cinida u Faku a tademaw atu u Paske a tademaw kaku sa, inayay ku utii’hay, nayay ku kalaliangan,  masazumaay, u kasenengan kuni sa.

       u cabay aku milihida tu cengce a kawawan cinida, nika caay ka tatungus kaku tunian, kanamuhan aku ku lalangaw, kamu nu Euskera, binacadanatu likisi.
   Dayhan mucuduh ku kitakit musakamu tu Sipan a kamu atu nu Faku a kamu, mahida cacudan a likec, pasingbunay, malimad tayni muenengay, pasu u Paske a tademaw mamin hanu u kamu nu Sipan atu nu Faku a kumu  masasukamu ayda ( caay pinanam ku mulaay henay).
       imahiniu Paske a kamu dada’ku katinengan a binacadan caay tu kapapina. Tatusa Sipan atu Faku a kamu ku katiengan a kumu nu Paske a tademaw ayda. mangalub u Sipanya, Faku a kamu malasaayaw pinanaman a kamu nuheni, caay tu kapinanam tu Paske a kamu. kanahatu maydih kuheni misumad tu likec, nika katukuh imahini caay henay picuduh kuheni.