anu hina amahini ku kamu

makayzaay i Wikipitiya

anu hina amahini ku kamu

文.圖/斉藤多加子 翻譯/陳珊珊

anu hina mingiwngiw tu cihek sa, amalatabakiay tu a cihek tabaki,sisa amana kau u lima ku mingiwngiway,kau sapisingat ku sapisisit tu cihek!hatusa han ku lima miala tu sapisingt,tapiingan mipenez tu cihek, tapiingan misisit tu cihek kapahtu,nika mingiwngiw tu cihek kapah balakasen,anu tahekal kuni ngiwngiw a ngide sa,a zahkez ku balucu’.


anu hina tengteng tu tangila sa, amalecad tu zu ku tangila katabaki yu!sisa amana pitengteng tu tangila,kau buya ku tengtengen i!nika cuedet ku tangila,sapi’sa dikecen…..

anu caay pitengil misulac tu ngipen sa, angitngittan nu cilekay ku ngipen a malahul,u laway malecad tu babalaki makubid yu! sisa sakapahentu misulac ku ngipen!namamin satu mukan,amana kapawan lunukhan misulac tu ngipen,nikasa padangen nu ina kaku misulac tu ngipen sa,a caay kazahkez.


anu hina micepcep tu taludu’ sa, atanaya tanaya satu ku taludu’!sisa amana picepcep tu taludu’,kaena tu piyang!nika micepcep tu taludu’ sa,lihalay ku balucu’.

anu hina ngiwngiw tu puna sa, mikiwkiw tu bili a tabaki ku buhang!sisa amana pingiwngiw tu puna,au mizepitay a lala’ ku ngiwngiwan ,nikasa kyamahiza maliyuh, aizaw ku buhang sa maydih tu mikiwkiw……,


anu hina tiyung tu panga’ atu butul, malinges ku panga’ atu butul,sazikuzay sasumanah satu ku bihid malinges!sisa amana pitiyung tu panga’ atu butul,nikasa izay caay ka tineng,hakiya amaydih henay ami tiyung.


anu hina tukut tu babalakasen sa, kuku’ malecad tu niiyu’tan sabuhangbuhang satu!sisa amana pitukudan tu babalakasen,aumali ku tukuden!nikasa icuwa mazihtu kya babalakasen,a maydihtu mitukud!


anu mingiwngiw aca tu cihek,amitengteng aca tu tangila,caay pisulac tu ngipen,amicepcep haca tu taludu’, amingiwngiw tu puna, mitebing tu panga’ atu butul,atu ami tukud tu babalakasen….,anu hina amahini ku kamu,akay……,amalahiniaytu tuyu! sisa,nay mapulung kita kadimeltu sakapahen tu ku uzip!