cacay ku tademaw

cacay ku tademaw mananam tu cacay kyami hawsa, a caay tu pisalunguc aw cima ku pacabayay sa, sakaysingan tabakiay a wakunng taneng tu cacay mukan,a taneng tu cacay miazih tu iga, mananam tu cacay kyami hawsa,a caay tu pisalunguc aw cima ku pacabayay sa,

nayay a tademaw ku manamuhay a tataytay, uyzasa palecad tu alaaw, sisuma, atu pakakutay tu cudet akuti’ kyami hawsa, tataytay amala sa tademaw.

nayay ku manamuhay a tataytay, caykasa caay kaydih a alaaw, yu u tademaw malakui’tu ku ngeku’ hawsa, a caay tu pizateng mikilim tu pitie’lan, anu cimacima a tademaw mahizatu amangelu’tu.

naucanan ku midiputay i tisuwanan aw canan ku mitena’ay, acima ku palidungay tu bali udad i tisuwanan, amahizatu acaay pakaazihen kisu tu cilal.u lusa a pasubana’ i tisuwanan a malatademaw, patiku ku balucu’ a mipadang tisuwanan a balaki, u adada tya u sakapahay a saydan. tahkal i hekal,

payawan anu akuti’ atu cudet ku sapapising kapahay. i hekalay a kitakit, sakasikazan sa u nikauzup、a cayay ku nu uzip. u cabay hananay, payawan anu akuti’ cudetay ku sapapising a kapaha tu.tatengaay malacabay uynian u balucu’、caay ku nu ayawan, amana ka sibalucu’ tu nu tademaw tu hekalay a balucu’. nisacabayan a tademaw u sapihica、caay kaw cabay a tademaw sapihica, uni zatengan,

tu mahiniay a tuud, haycan pakaybalucu’, cay tu pakaduka iti suwanan. cacay ku tademaw, cacay ku balucu’, nikauzup mihalhal.

cacay ku tademaw, cacay ku niyazu’ nakauzipan adada ku balucu’. cacay ku tademaw, cacay ku zazan, nakauzupan tataytay. muwangic hawsa nai’ ku mihinumay, minanam a matinang misaicelang; matalaw kyam hawsa nayay ku pacabayay nu tademaw,minanam a matinneng tu talul, malibut hawsa nai’ ku mipalitaay a tademaw, minanam a matineng a milayap; mangelu’ hawsa nayi’ ku tademaw taneng a mitiel, a minanam a matineng tu misakaku. caay ku tademaw ,

anu cay pisaicelang, dawmi’sa a cima ku paazihen. amana sademiad sa mizateng tu maalatu malasawad tu asa, mizating tu mahiniay amica, pakainayi’en ku lawad nu uzip, sanai’ han ku lawad u sapaiyu nu imilangaay mabiyalaway.