kungku ni Epah Akus

makayzaay i Wikipitiya
跳至導覽 跳至搜尋

kungku ni Epah Akus

u mapalaway nu Pangcah i Lidaw niyazu', isasa'ay a sulit, nasakamuan ni Epah Akus.

lacul[mikawaway-kalumyiti | mikawaway tu kalumyiti sakatizeng bangu]

ci Eaph Akus nu ngangan kaku, nay 55 a mihca sa malingatu maadada'. puhpuhan niya wina ci Kamaya. malawacu kaku , makupikupit tuway.

mahica kina wawa sa kiza nikakadabuan(婆家) nu maku. papipuhpuh tu takuwanan ci ina Kamaya aci Kalani.

amadi'tu amala mapalaway tina wawa saan kya bayi amin. tatenga' sa, a sanga'an sa, sanga'an kaku.

sakamu satu ku bayi niya babayian aku. amakadungdung kisu haw? amala mapalaway ku acawana isu, hani bayi niza.

hang, makadungdung tu kaku sa ciza. maydih a kapah ku uzip ni acawana.

ya, azihan aku kya mapalaway, babalaki amin. ahicaen ita a sicabay ku babalaki, sakaku mizateng.

caay sa kaku pisalukyaw hansa ili. saka lima a mihcan, malingatu aca kaku imelang. misanga' aca takuwanan.

caaytu kaku kakeman tu hemay. tayza padekuwan sa, caay kangaay kya imelang.

puhpuhan aca ni Kamaya aci Sela Upan kaku. alaw su'sul, alaw micumud tu kaku nu mapalaway.

nacaay henay kaku kakeman tu hemay isaw, tuya mimi'sa tu hakhak kya babalaki.

pakan hen kaku, asu' isaw kya hakhak a ka'enan. miladay kuheni amisalukyaw.

ahemaw kya culil aku isaw. caay tu kengelu'. ili, mahica saw kita, kapah tu aca kita.

malamapalawaytu kaku, danay sa kaku. nay 59 a mihca sa, malingatu kaku miladay.

hanhan satu katukuh ayza. sidi'tu sa kaku, u salu, makakudul, malalenu.

mipaakay, miapaay kizaan.

namakayniyan a nasulitan nasakamuwan atu natinengan[mikawaway-kalumyiti | mikawaway tu kalumyiti sakatizeng bangu]

nasulitan nay paybalucu'ay a kawaw nu subana'ay a pu 2018-1, nasulitan ni Tuku Sayun

tina kungku namakay cudad ni Panay Mulu