muliyaw mulekal a subal “Easter Island”

nilacul

i nu timulan a Taypinyangay cacayay a subal, mueneng i 27°09′S 109°27′W. ya subal malecal u cacayay masatuluay ku zicem, nau tuluay silamalay a buyu’ nikasahida, u ahbal makaala tu 163.6 平方公里.

u sakasaan nu ngangan

i 1722 a mihcaan u nikaudipan ni Jehovah (耶和華) a lisin, nu 荷蘭西印度 a misiwbayay a mipatahaw ci Jacob Roggeveen miladay tu cacayay a balungaan a tademaw saayaway makaadih tina i nu timulan a Taypinyanay a adidi’ay a subal. ci Leukaben nay i pabalungaay nikulitan a cudad sa, u lumeni’ay a nanum sapisulit tu kakitidaan nya subal, i nu tapingan sapakatineng sisulit u “muliyaw mulekal a subal “Easter Island” “, nadikudan satu mala katinengan nu kitakitay a tademaw.  

u nika idawan nu Yincumin hananay a binacadan

nu ayaway nayi’ hemay ku sulit atu nacudadan, i subalay a Yincumin kinapinaay tu hakiya, idaw ku kamu saan u tu’as nu heni, u tumu ci Hotu Matu'a ladayan nida ku acawa atu lalabuay nu luma’ mikacaw pabalunga cacay hakiya tusaay hakiya a balunga makatukuh tina subalan.

miteskay a tademaw makay milubangan nu i subalay a binawlan yadah ku caay kalecad nu makacuwaay a kamu, nika i tini i muliyaw mulekal a subal muenengay a yincumin, nayi’ ku sakamuen u Polinisiya a tedemaw, nakamuwan nuheni sa uyda nu Polinisiya a kamu.

1744 a mihcaan ci Cook hananay nikeliday pabalungaay katukuh i tini a subal sa, cacayay a makayniay i Tahiti (大溪地) idaway ku Polinisiyaay ku idang mikilulay a tademaww itaneng malpadang atu i tiniay, u sakasaan nidatengan u Rapa Nui (拉帕 努伊) a subalay mueneng i tidaay a kakawsan namakay nu tipanay a Îles Marquesas (馬克薩斯) masauppuay a subal mikacaw tunu Polinisiyaay micidekay a adidiay a balunga, micaliway nu baliay bihbihan pasayda nu walian nika pabalunga, malakuwit tu kuni awas malebutay a 公里, ahebalay a bayu makatukuh i tini, makay baat nipaculilan nau sakatineng pabalungaay i bayuan sakasenengan i kitakitay ya Polinisiyaay a tademaw sa caay kadadayuman a kawaw kuyni, i mahida u Europe a tademaw i tida sa i demiadan makay liwliwan nu subal pabalunga micaliway, u heni taneng tu tacuwacuwa tu i ahbalay a timulay a Taypinyan siduma sa mulakuwit.