nu Yin-tu henhe hananay a sauwac

makayzaay i Wikipitiya
Hen-he

ina Hen-he(恆河) hananay a sauwac nu Yin-tu(印度), mala nu sinsiyaay sakahemekan i nikaudipan, i mahida sa muenengay nu micapiyay i tida nu binawlan u sasaidaan sakaudip i paydemiadan, nu kiwkayay nu Yin-tu sa idawaca ku nipangangan tu dungiay tu Hen-he hananay nipatideng, imahida sa cayay kalecad nu kenis atu nu Hungtiay a kakitidaan patideng i tukusan nu Henhe hananay a sauwac, i 2007 a mihcaan ina henhe idaw ku nipatinsuan tu pasakamu u pihacengay a mauningay sipangangan,lalima ku matunganganay ilabu ku henhe mapatudu. itida i Walanasi hananay a kenis nipikingsaan sa, nikacamulan tu sakaidaw nu tepil a cilekay, malakuwit mikiyadah tunu cenhuay tu nipisulul makaala tu cacay alasubu kunikala tu kayadah, u nika uningan caay kau tademaw dada ku malawilaway tu imelang, nikaudipan nu buting i Henhe a sauwac sa makaala tu cacay a lasubu idaw ku sepat a bataan kuni ka yadah, pasu nu dumaay siwa a bataan kayadah nu matinengay muculil a tuudtuud atu ya singanganay a tunu’ kalihanawan a malawpes. nika a misadimel maysakapah tu Henhe a sauwacan sa u sakahenulan a kawaw kuyda sa, sibalucu ku nipalumata, zayhan u mamikuwanay tada maanub misabana tu kalisiw, pasucaay kataneng ku nutinengay, nu makay kiwkayay a nipicunus tu sangaay nu balucu a miedap tu sasakapahan nu kakitidaan sa, nayay kanahatu idaw sa cay tu kataneng a misumad tu lacusay a nina’ nu tademaw sisa kakayda satu caay pakalaheci a misakapah tu Henhe hananay a sauwac.

u nadipaan nu Yin-tu a kanatalay a lalangawan sa yadah ku kamu, ina henhe hananay a sauwac sa nukamu nu banyi Ganga atu nu Yigoay ya Come hananay sa malecaday ku imin, u sakasaan kasenun sa mapalitay sananay, mahini kalamkam kunipisilsil sa idaw ku nakamuwan kalamkam ku nipalit sa kasenun asa mutiaku pananukas a caay kaputun sananay,nu Hulamay a kamu sa nipabeli u henhe sa, u sakasaan dahdauc sananay a sauwac. inu ka Hulaman ya mifaseay nipasabalucu a pangangan u cing-cahe han, nika idaw henay ku nipangangan tu dumaay a nipanganga, tinaku ya ciyang-ciyahe , hen-ciyahe kunikayadah.

u caliway a tatungus nu Heng-he

nu makay lalangawan a laylay sa, yadah ku tademaw nu Yin-tuay u sipalalutenga nu heni ina Hen-he sa namakay i Sicang hananay a kanatal

ya Sen-hu a taku saan, singangan tu Mapang-yuncu, nu Yin-tu a tademaw a nipangangan sa ya Nama-sehu sa,( Manasarowar ) sisa paybalucu nu sinziya u Senhe han. U nidatengan nu heni sa nipiceleman i nanum sa taneng mabanaw ku cumi nu tademaw sa ,idawaca ku dumaay nipawaswas tu abu’ nu nituduhanay a kudih i labu nu sauwac, micidek sa idaw ku nipibatung tu kudih atu babakahan pasunalimaan nu

musakawaway sibakah i sauwac, macacamul atu aadupan siduma sa mapalit, u nikahida sa sikangaay nu mapatayay sakatayda i tapuku a mapabaluhay a nikaudip sa knidatengan, hakya a matabal mahulak ku labades nu iayaw nikaudipan( Moksha ). Yadah ku sinziya taydaay itini a Hen-he sauwac milunguc tu sakangaay nu balucu, kakayda satu mudebung milamet tu udip atu mucelem tu balucu maydateng tu nikaydihan. Sisa namaykayni a nina’ caay tu kapaales u aidaan tunu tademaw a laylay i paydemiadan, ina Hen-he hananay sa katukuh aydasa

u nikauningan katukuh ayda nayay ku nika cunusan tu lamadacan, sisa sawsawni saan maycaliway ku mapaliday nu kudih atu uning, iayaw nu taydaay mibanaway tu udip, zayhan ina katuuday a nikaadihan sa caay katalaw mangaay amin ku balucu namapalamed i sauwac.namapauning kina sauwac sa mangalebmangaleb pihacengan tu , maetel tuku nikaudipan i paydemiadan nu binawlan, malawilaw tuku munengay i tapiingay makaala tu sepatay a yi kayadah nu tademaw. Nu tapiingay a kenis u babakahan atu nikayiyan a lacusay nu kubaay a nanum sa mamin sipibakah i Hen-he a sauwac, uduma kya mahidaay caayay ka dayum a maluminakay a tatuni’ atu nu kiwkayay ni alesan a tuudtuud sangaleb ku pihaceng nikasanek, caay tu pakadungdung ku muenengay a binawlan tu nika uningan, pasu nibakahan nu tademaway

u sabalat nu Heng-he

i demidemiadan tu nipauningan angtul tu caay tu pisulul ku saneng nu nanum,ahicaen mibanaw ahicaen mililuc, nikaidaw sa u imelang tu ku

naliwanan, nu kitakitay a gingku pasakamu sa tu nisausian, u Yin-tu hananay a tademaw sa nipalawpesan tu sakay paisingan a kalisiw sa

makaala tu palasubu idaw ku tuluan nu nikapulungan mihcaan kayadah, mapacudaday Nipikingkiwan sa u mapatuduay makaala tu waluay nikatatungduhan a tademaw nikaimelang atu micapi tu pangkiway nu mabelecay nu imelangay sa, nu nanumay nikauningan malalalit tu libung a sasasuayawan sa.