跳至內容

piliwkuan

makayzaay i Wikipitiya

kakiliman[mikawaway-kalumyiti | mikawaway tu kalumyiti sakatizeng bangu]

aenengan nu pidafngan nu kadideng

piliwkuan atu miliwkuay a kawaw (igu:Tourism)u nu udip a nipiliwkuan a kawaw atu nu midangay a tademaw u nipatideng tu sasalamaan atu sapipadang a kawawan. u masasibutay nu syakay a kawawan, milawit tu cene, sakaudip, lalangawan, likisi, kakitidaan, hulic nu cancanan a siyakay nu tataydaan.

nilaculan[mikawaway-kalumyiti | mikawaway tu kalumyiti sakatizeng bangu]

miliwku han u sapahanhan naw tu sakalihalay nu midangay a kawaw, piliwkuan a kawaw u sapahanhanan nu aidangan a kawawan, u malimaday, caay kaw malecaday a tataydaan atu patebanay nu picidekan. miliwkuay a tademaw u miliwkuay han, midangay a tademaw han. milabu tu masakaputay midang han, sicabayay tu masakaputay a tademaw han u masakaputay a midang nu tademaw han, pakunida sananay amiliwkuay nu tademaw, nu sisubukay han a pangangan. sakamu sa, miliwkuay malatusa ku nakamuan idaw ku tayda sananay i aidangan midang cacay hantu u tadan i cuwacuwa a lalikisian miadih tu cancanan nu aadihan, nu ayawan apuyu’ ku nikataydaan,nipitanengan a cacay, nikudan han, mitesek ku tataydaan midang.

piliwkuan tu sakay cudad[mikawaway-kalumyiti | mikawaway tu kalumyiti sakatizeng bangu]

piliwkuan i nanum

sakacaay kalecad nu pailiwkuan, miliwku han u sapalawpes tu kalisiw, papahanhanan midang atu kalecad midang nu duma a kawawan, miliyas tu kananaman nu kitidaan a maudip atu nikasikawawan nu kitidaan, makatukuh tu tataydaan caay kaw matenesay tu cacayay a mihcaan nu tataydaan midang a mikawaw, u masasibuday nu syakayan, miliwku sapilabutay tu syakay a cence, hulic, kizay, lalangawan, likisi, kakitidaan nu cancanan a syakayan nu tataydaan.

sisubukay nu miliwkuay

laliwkuan nu kakitidaan[mikawaway-kalumyiti | mikawaway tu kalumyiti sakatizeng bangu]

sakay hekal a piliwkuan, micapitu aydaay a mihcaan idaw ku masakaputay a sakalecad maawiwiyay tu sapidang a kawawan, sapasing tu sapiliwku a kawaw, sayadahay ku sakay hekal nu mitahaway nu aidangan, muculil tabuyu’, pakunida sa paculil, muculil, masasupaini tu waywayan miliwku, salihalay sa ku nipiliwkuan, kangeluan ku mkitahaway, u sakapahay nu nipiliwkuan a kalimulakan nu kawawan.

sakay hekal a laliwkuan midang[mikawaway-kalumyiti | mikawaway tu kalumyiti sakatizeng bangu]

u sapilawpesaw tu papahanhanan atu miliyas tu pulung nu kawawan, miliyas tu naenenga nu udip atu kakuliyan taydan i dumaan nu aidangay miliwkiay a kawawan

miawas tu kanatal miliwku[mikawaway-kalumyiti | mikawaway tu kalumyiti sakatizeng bangu]

A a kanatalan nu tademaw taydan i B kanatal midang miliwkuay a kawawan.

saka tahekalan miliwku[mikawaway-kalumyiti | mikawaway tu kalumyiti sakatizeng bangu]

misuayaw tu dumaan a kanatalan atu dumaan a kakitidaan, u kuomin atu niyadu'ay a tademaw taydan i nutawan a kanatal atu niyadu'ay nu nipiliwkuan a midang, u tahekalay miliwku han kuyda.

tayniay micumud miliwku[mikawaway-kalumyiti | mikawaway tu kalumyiti sakatizeng bangu]

misuayaw tu dumaan a kanatalan atu dumaan a kitidaan sa, nu dumaan a kanatal nu tademaw tayni i mitaan a kanatal a kitidaan midang, u micumuday tayni midang han kuyni.  

sakaetimman nu laliwkuan[mikawaway-kalumyiti | mikawaway tu kalumyiti sakatizeng bangu]

piliwkuay a kawaw mala yadahay tu nu kanatalan atu kitidaan nu angnganan a sakakalisiwan. Itini i kitakit nu masakaputay i cay-siw-wal-sep a mihcaan tu nipikaygian, sakamusa ku Ma-ni-la sapiliwku u maudipay nu tademaw nu sakaetiman a kawawan, kasenun sa malalit ku syakay, lalangawan, ciwyi, sakaudip nu cancanan.

A-e-ma-ta a Li-se-pen tabakiay a sasing ni Ye-su, pidangan nu sisikuay a tataydaan

piliwkuan a kawaw idaw ku nipatideng tu tuudan i labang atu sapipadang a kawaw, taneng mi’tan tu yadah nu kalisiwan, namaka tu-sep-caycay a mihcaan mapatumi’ tu kitakiday a mawyi tu lu-sep a kilacan, pulung nu tuudan atu sakatahekal nu tuudan makaala tu enem a kilacan. malecad patideng tu saka tulu a kakawawan nu tataydaan tu mikuli a kawawan.

namakayni tu sapiliwku a kawawan tu mapadang nu sakasilaculan a kawaw han pasu papaculilan a kawaw " hikuki, balunga, silamalay, a’suyan tu kadideng", pisiwbayan tu kakanen "a’enengan milabin", pasu kakanen tu epah, tataydan milabing nu aidangan", tatayda tu sakalipahak nu aidangan "aidangan midang, kakanen, papakiyawan, pacakaya tu tuud, papalawan mudadiw, gagikian". idaw henay ku sapacakay tu tayniay nu labang a tuudan pasu ka kiningan a tuud.

tayniay nu Di-pun idaw ku papalita tu tawyu "caypic-wal-pic" .

sumamad[mikawaway-kalumyiti | mikawaway tu kalumyiti sakatizeng bangu]

piliwkuan nu binawlan, I'-tali Luo-ma-te'-lai-wi picelan nu nanum

yu sumamad, miliyas tu naenengan nu udip taydan i nu tawan a kakitidaan midangay a tademaw u siidaay nu tawyay a tademawan.

alahican tayda ku nuhini i mabataday nu kakitidaan, miadih tu bangcalay nu lumalumaan atu nalimaan, minanam tu baluhay a sasakamuen, mitaneng tu baluhay a lalangawan, mitaneng tu sakacaay kalecad nu kakanen.

satabalay nu nipiliwkuan taneng taayawen kunipisausi tu U-e Kuo-wan ci Su-e-ci, amica kina Kuo-wan sakamusa u mamisangaay tu dadan atu patideng tu papahanhanan, ku sapatideng tu miliwkuay sakalihalayaw nu taydaay midang nu tademaw.

satabalay nu tataydaan miliwku taneng taayawen ku nipisausi katukuh tu kunyun cay-lim-sep-sep a mihcaan nu Ku-ay-ci. itini i Luo-ma kunhekuo a zitay, siidaay a tademaw hina tayda i Pai-ya a kitidaan miSpA atu bayubayuan nu kitidaan midang milabin.

taydaay nu midangay i Pa-say-lun-na' Ti-cun-hay dadipasan "tusep seppic"

Paw-sa’niya-se itini i kunyun tusa a seci idaw kunisulitan tu "Si-la’ a cudadan". itini i Cun-kuo sumamad, ci Kun-ce milawpes tu cay-sip a mihcaan tacuwacuwa nu kanatalan midang, nataydatu i Tay-san, idaw ku nisulitan tu nasakamuen tu " mikayakay tu Tun-san a siwlu, mikaykay tu Tay-san nu adidiay a tapukuan).

Cun seci[mikawaway-kalumyiti | mikawaway tu kalumyiti sakatizeng bangu]

 katukuh tu Cun seci, kilisetu atu fuociw idaw ku tataydaan tu daduducen misalisin. Ciw-suo a Kan-te’puo-lia a kakungkuan atu Wucen-n a Siyu-ci, idaw kunikakenihan tu igu a cudadan atu Cuokuo a cudadan nu sakapahay a natangahan a nisulitan.

cay-sep a seci katukuh i cay-lu a seci nu Sun-caw idaw tu ku tahekalay nu katuuday misulitay tu sapidang nu sitangahay a cudadan, idaw ci Su-se’, Fan-cen-ta’.Mincaw idaw ci Si-li-ke’. Yi-ta-li ci Pite’-lake’ itini i cay-lu-lun-em a mihcaan namikayakay tu Wan-tusan sa misulit ci nida tu kanamuhan nida piliwkuan, nika idaw ku paciliay ci nidaan tu inai' ku sakahicaay nu balucuan nida sa. Ci Puo-ken-ti-kun-cey sitangahay a tademaw Michault Tailleven itini i cay-sip-lusep a mihcaan midang taydan i Culuo-san sa misulit ci nida tu nitaydaan nida tu sakatalawan a cudadan.

katuuday nu nipiliwkuay a tademaw[mikawaway-kalumyiti | mikawaway tu kalumyiti sakatizeng bangu]

Atawhu. fun-min-cei-e a pikiyaku nu piliwku"caywal piclim"

aydaay nu nipiliwkuan taneng talaayawen ku nipisausi katukuh tu nikatuudan nu miliwkuay a tademaw, patudu' sa u O-cuo nu siidaay a masakapahay a tademaw tacuwacuwa midang taydan i O-cuo (angangan nu sakatayda i De-kuo atu Yita-li). cay-nem-tu-sip a mihcaan, Puo-lan wance ci Wadise-wafu sese’ milakuuyt tayda i O-cuo a miliwku, i tawyaay nu Puo-lan nu siidaay a nananaman nu lisinan a kawaw. kataydaan nu heni mahida aydaay nu De-kuo, Pi-lise, He-lan a kitidaan, lawaan nu Pu-lai-ta nu Sipan-ya a hitay Fa-kuo, Zua-se’, Yi-ta-li, A’-tili, Cia-ke’ a kanamuhan, u sapasubana’ tu nipiliwkuan a kawawan, idaw ku kasenengan nu heni u Yita-li nu gagikian pacumuden itini i Puo-lan Li-taw-wan.

nina daduducen tu lalaylayan limulak tu katukuh i cay-nem-nemsep a mihcaan, makatukuh tu cay-wal-sip-sep a mihcaan idaw ku tabakiay nikatahekalan tu silamalay, mala situngsay nu piliwkuan. amica kaw u siidaay nu Ing-kuo a tademaw atu siidaay nu niyaduay a tademaw, nika Pei-o sinciw-tu idaw ku sakalecad nu piliwkuan, namakayda i cay-wal a seci cuoye malingatu idaw ku Nan-mai, Mai-kuo atu dumaan nu kanatalan a masakapahay milabuy nu tademaw. nika tahekalan tu nu silamalay atu silahuday nu balunga dayum satu a tahekal midang, nu sikalisiway atudi nu tademawan taneng tu milabu midang, uyni han idaw ku Tuo-mase-ku’ke’, idaw ku nakamuan nuheni tu 「Ku’-ke’ a piliwkuan」(imi han u pakunida sananay muculil a nipliwkuan).

katukuh tu cay-wal atu cay-siw a seci, picidekan tu nu katuud nu syakayan a micudaday nu piliwkuan, Yi-han. yi-a-si-mu.wen-ke’-e-man a cudad nu lalangawan a pacun a cudadan kanamuhan nu O-cuo sitangahay a tademaw. nalimaan, natangahan nu misulidtay, miliwkuay a tademaw palutatenga tu Yi-ta-li, Fa-kuo, Si-la itini i nalimaan a kitidaan a picidekan nu tanektek. nu mahiniay a kawaw, nu katuuday nipiliwkuan u tataydaan aca midang nu kitidaan.

mapatideng tu sapahananan nu laliwkuan[mikawaway-kalumyiti | mikawaway tu kalumyiti sakatizeng bangu]

Ing-kuo a tademaw itini i Kanpa’-niya, Kae.sepice’wike ni kulitan "cay-wal-siplim a mihcaan" nu papahanhanan a sapiliwku taneng malalitin tayda i Ing-kuo pikulian a zitayan, macunus tu ku papahanhanan nu tademaw. mahka malingatu, nikailayan nu mapulungay u masibekay nu sikikaya a tademaw, adidi’ henay ku milabuay nu cence, tawki, misiwbaya a tademawan.

itini pasubaluhay a tahekalay nu Cuncen ceaci. itini i cay-pic-lim-wal a mihcaan nu sayaway a patidengay tu Kawke’-secin u sayaway nu laliwkuan a kuse.

cay-wal-lim-lim a mihcaan, Ku-ke’ micuduh tu sayaway sakatacuwcuwa nu kanatalan miliwku, namaka Lasete’ katukuh i Cia-la taydan milabu tu kitaki nu puolanhua, saka tusa a mihcaan patidengtu sakatayda i O-cuo piliwkuan. cay-wal-nem-sep a mihcaan misakaput tu tademaw sakatayda i Zua-se, Yita-li, Ay-ci, Mai-kuo.

ayda nipiliwkuan[mikawaway-kalumyiti | mikawaway tu kalumyiti sakatizeng bangu]

katuud nu midangan manamuh tayda i bayubayuan nu lalilucan midang, kacaledesan a kitidaan anu u kasienawa aca atu kacaledesan aca, katuud tu kutaydaay nu tadecaw midang.

binawlan nu sapiliwku[mikawaway-kalumyiti | mikawaway tu kalumyiti sakatizeng bangu]

binawlan nu sapiliwku u idaw ku nipikiyakuan tu masakaputay a mipiliwkuan, idaw aca ku mililiday nu tawyu tu nuhenian. nina piliwkuan itini i cay-siw a seci nu sasaay a pangkiwan a mihcaan itini i Ing-kuo amalaheci, mitahaway han ci Tuomase.kuke. ci Ku'-ke' micaliw tu O-cuo wanlu nu sakalihalay nu silamalay, patideng tu kusian, patideng tu cacaya a demiad nu midangay, patideng tu siidaay a tademaw tayda i O-cuo, In-tu’, Ya-cuo, Sipanciw nu matenesay a nipiliwkuan.

piliwkuan nu kadideng katukuh tu tu-sep a secian malingatu a idaw ku kadideng, nikuda idawtu ku hikuki. nikalahatan nu kadideng apuyu’ tu ku sakataydaan midang nu demiadan.

katukuh tu tu-sep a seci cuoye, Ticun-hai dadipasan mala katuuday nu binawlan a tataydaan nu kakitidaan midang.

malalitin tu ihekalay atu zumaay a natinengan[mikawaway-kalumyiti | mikawaway tu kalumyiti sakatizeng bangu]

[1] piliwkuan

[2] saka singangan nu kitakit a piliwkuan

[3] piliwkuan nu udip

[4] i hekal milaylay tu udip

[5] piliwkuan na nanaman a cudad

[6] piliwkuan a sapicudad nu sakay padekuan

[7] piliwkuan nu udip

[8] midangan nu sisubukay

[9] kapulungan nu pinanaman micudad

[10] mikawaway tu miliwkuay

[11] masakaputay nu miliwkuay

[12] miladayay

[13] pasubanaay muculil a tademaw

[14] miliwku a sapadamsu