sinmung ni Aldi

u cacay a tatama i Yin-ni(印尼), ci Aldi ku ngangan nida, misakakawaw i balunga mahida u mibutingay a pubu sademidemiad cinida, u kawaw nida mulikat tu cilul papatakaw tu buting.

u tawki ci Aldi, micunus tu kakanen、nananuman atu simal pilipilipayan, hani kelid hantu nicalaan tu buting i pubu.

nika, i pituway a bulad sabaw sepat a demiad, idaw ku tabakiay a bali, malebut nu bali ku layic nu pubu, sisa mapalit tu sepat a bataan idaw ku siwa a demiad i bayu’ cinida, matalaw mapatay nu ngalay atu mapatay nu ngaluh, buting satu i bayu’ sapakabecul cinidaan, matalaw tu sienaw, tastasen nida ku sapad nu balunga, tuduhen nida mingidu, u duma lusasaen nida tu dikuc ku nanum nu bayu’ a minanum, kya cay tu kaahecid ku nanum nu bayu’.

sadikuday mapalit satu tayda i Kwan-taw(關島)海域, maala nu mibutingay a balunga nu Pa-na-ma(巴拿馬), taluma’ satu cinida i nyadu’.