u kapawanan a niyadu': Kasiwsiwan

makayzaay i Wikipitiya

kakiliman[mikawaway-kalumyiti | mikawaway tu kalumyiti sakatizeng bangu]

ayzaay a Nabakuwan (花蓮)

i Nabakuwan naayaway a kakitidaan i kilay nu buyu' i enal tu nu makasasay a kakitidaan nu i diniya maudip nu tademaw, u sakalimulakiy itini kina niyanu' i naayaw simuenenga tu itiniya. caay kakatuud ku muenengan tina adidi'ay a niyadu'an. nayi kumatinengay yu mahidahen u kapawanan tu nu katuuday nu tademaw tu naayaw kina niyadu' tu cisiwsiwan han ku ngangan, u ci siwsiwan sasaepian nu taniay midang kina a i dangan i Nabakuwan nu satipay kina niyadu'. masatedepay ku buyu' i tini sasaepian nu tademaw kina' kasiwsiwan a niyadu', micapi tu kilay abuyu'an, makaamis sa tu u katanka a niyadu' ayda han tu sa malapahikukian tu nu hitay ida, i sadipan sa tu u cisiwsiwan a niyadu', sawali u taypinyang saka timulan u kalawlawan nu cidungecay a kakididaan makatip u buyu' nu kilay. u kilay a enal nu buyu' tu makasasay nu buyu' cisiwsiwwan a niyadu', kina niyadu' idaw ku caculilan atu cascas idaw ku aadupan tu ungay. kiwmah. micekul. aca ku litep. salunga sa mamahel ku litep, i saamisan maadih tu ku pahikukian nu hitay anu mibahel, tu ku pahikukian nu hitay anu mubahel tu ku hikuki nu hitay sa. tanestesay kuni pibahelan nu hikuki miyadih u samicekul tu i pabaway nu ladem sabangcalay sa ku takubuan, atu niyadu' nu cisiwsiwwan hananay a kitidaan, kuynian nu hekal.

nilacul[mikawaway-kalumyiti | mikawaway tu kalumyiti sakatizeng bangu]

iniw tu ku Sakizaya a tademaw[mikawaway-kalumyiti | mikawaway tu kalumyiti sakatizeng bangu]

yu mahida i sumamat idaw aca ku kamu nu babalaki tu sasakamuan i niyadu'. yu sumama henay nu talukuk a niyadu' kunian anu idaw ku sasakamuan tu kina kawaw tu kamua sa namakayni i nu sumamadan a ziday kya a siwatan malucek. kyu a musakamu  aca tu kawaw nu sakidaya atu taluku' yu mahida henay sa u masasuabaay kina tusay nu binacadan. tu nikaudip' nuheni amin. cayay kalecad aca ku nikaudup masasutabal tu tangah kuheni madademec tu nikalais. pinaay tu a mihecaan hakiya icelangn aca ku sakidaya madademec tu talukuk caay katalaw sisa malimad tu ku taluku tatacuwa i dumaan nu buyu' misabaluhay muenen misabaluhay kuheni i dumaan nu niyadu' muenen, mala nu sakidaya tu kina niyadu’ay kuwni a kakididan. nika nadikudan u dumaay a tademaw mikilihida tu kina niyadu'an i dini muenen katu satu kutademaw.

liwliw nu hekal[mikawaway-kalumyiti | mikawaway tu kalumyiti sakatizeng bangu]

tuynian a niyadu' malatulu' saka cacay cupuan u cacay ci tadugnan atu siwsiwwan inatuluay a niyadu'. cacay ku Lided u mawaswasay tu a niyadu' u Katangka hananay a niyadu', namahid u nakatangka maala nu pahikukian babahelan nu hikuki nu hitay manay mawaswas satu kinakatangka' nautabakiay a sakidaya a niyadu' hidasatu malaliwasak tatacuwa tu muenen lawpes satu ku tademaw kasadiman.

Katangka atu Kadusan u mabiyaway kina sakidaya atu taluku a niyadu' nika nanutawya kinatatusaay a niyadu' masasungaay sa masacacapi tu mihmihcaan hanikatngasa nikalaliwasak tacuwacuwa tu nuneng nai'saca kinakataka. kasatimmam sa i nasakul hananay naayaway naucupu ku ngangan i naniyadu' caykapawan ku naayaway a babalaki tinacupuan a niyadu'.

u babalakiay nu cupu' i naniyadu' naisiwaay idaw ku tusaay a mihecaan masumad' malasaku ku nganga nu cupu ku nidatengan atu. i kasiwsiw hananay nanuayaw kina niyadu u adidiay caay kakatuu'd ku muenengay nu tademaw.

ni Ikyu a babalaki na kungkuan[mikawaway-kalumyiti | mikawaway tu kalumyiti sakatizeng bangu]

i ci siwsiwwan kina niyadu' idaw aca ku sapakungku tu kungku nu cisiwsiwwan anu masaupu' tu kubabaki atu sikawaw ku niyadu' mapapakungku aca ku heni tina kasiwsiwan a kawawan yusumamadan pakungku asa ku babalaki tina niyaduan u mahida hen makadadeng aca tu nu naayaway a kungku nu niyadu cikasiwsiwan. caay henay kalima' hani katukuh ida i tini kuni kaudip sa kalaluman sa sakalimulakan u laliyas kasaupu idaw ku cacay kietulay idih atu namuh tawa mabalucu sakadihian san ku siwsiwwan a niyadu'.

sikungku aca kina kasiwsiwwan yu sumamad hen idaw kya cacay a babalaki "ci Ikyu" han ku ngangan nida. u malukay ku kawaw, manamuh tabuyu' maluk atu miadup', misahicahica tu misakakawaw pahanhan sa tu kanca musiwsiw. yasiwsiw nida caay kalecad micidek aca ku nipisiwsiw nida mahida namakada' i sasawacan nu buyu' ku siludihang apek sa tengilan micidek aca ku siwsiw ida nayay ku makakilulay nu taw tuni siwsiw ida i niyadu' nu binacadan ci Ikyu a babalaki anu misakakawaw tu kanca musiwsiw tuway. hakiya muculi misiwsiw. mueneng misiwsiw. maluk musiwsiw tu. mabi musiwsiw tu. hakiya musepi' musiwsiw tu adada'ay anu piadupan sa lacus musiwsiw, sakatawaan saca kya babalaki. ya udip nida talakaw. tabaki. u tatengaay nu sakidayaay a udip nu sakidaya, kapah aca sakay tademaw i niyadu anu idaw ku niadupan sa pawada' aca pakan tu kakanan tu niyadu'ay nu binawlan, sisa u niyadu' nu binacadan pangangan han tu kina niyadu' tu ci siwsiwan han namakayni kuni panganga kiyu ci siwsiwan.

u nikaudip niya babalaki ci Ikyu[mikawaway-kalumyiti | mikawaway tu kalumyiti sakatizeng bangu]

ci Ikyu a babalaki caay pakadih tu yadahay nu tademaw macangalen, sisa sacacay sa tu tabuyu' mueneng atu maudip nayay ku luma'ay atu lalumaan sacacay sananay cinida i buyu' nayi' ku midiputay cinidan u lahad ku cabay nu canancanan a tuud' ku sacabayan nida i buyu. ci nida pinaay tu amihcaan hakya tu nikiy i dida muenen tiya buyuan. alaw matineng tu ku taw diya buyuan tu ci Ikiyu han kiy buyu ida nu binacadaan. alahican i sasaay nu niyadu’ay a tademaw sa makatengil aca tu suni nu makabuyuay a suni tuni pisiwsiw niya Ikyu a babalaki. haemay hakiya lawpes saca ku suni nu makabuyuay kuni pisiwsiw tu duma nu demiad caay satu kusuni' caay tu pakatengil. tu suni atu udip lawpes saca i inyadu', anu misiwsiw tu cinida i buyu' kanca micidek ku asu' nu suni nipisiwsiw ni Ikiu, sisa namakayni kinanganga tu ci siwsiwwan han kina niyadu' a kamu tina, kungku, tu nikakutay tu nihecan a nikaudip sa

tabuyu' maudip nika kinacacacay tasasa niyadih tu lalumaan atu cabay. pinaay tu mihecaan ku enen idida tinabuyu'an maudip nida. tabuyu' hansa u tatadaan nu tademaw muculil mikayakay sakatanektek nu udipita yinabuyu' itini i kilil han "ci Ikyu" ababalaki naidida nu enen sisa panganga han kaybukyu' tu "ci Ikyu" a buyu’ mahini ku nipanganga tu kasiwsiwwan masiw "ci Ikyu" a babalaki sa siwsiwwan han kinaniyaku’ u sapakungkuan nu niyadu’.

u niyadu' atu Ikuy babalakiay mananamay[mikawaway-kalumyiti | mikawaway tu kalumyiti sakatizeng bangu]

kina kungku ayda nanutaya tu ku sapatengi tu nakungkuan katukuh ayda pinay tu hakiya a mihecaan ku zitiy nu tademaw maydih paayaw ayda' tu misulitay tu nikatinengan, sisa misulid tu kawaw nu sasulitan tu kungku nu kasiwsiwwan patineng tina niyadu’an tu naayaway nu kasumamadan tu nikaudip nu babalaki.

kina siwsiwan nayi ku matinengay, u caay kasikul a niyadu' sisa caay katinengi nu dumaay a tademaw ayda henay sa, u a idangan tu nu katuuday tu ku tayniay midang i pabaw nu buyu', maadih ku nabakuwan atu bayu nu cikep u sakapahay a kakitidan muenen kina kakididan anu mikayaka patinen tu kasikungku kina buyuan. pakatineng tu tademaw tina niyadu‘an nu siwsiwway ya babalaki ci Ikiu hananay tida masiwsiwway ci nida. sisa pangangan hatu ci siwsiwwan han kinamiyadu' u dadatengan tu idih tina babalakian anu idaw ku balucu madih misulid minanam tu kawaw nu laylay sabalucu' han tu misaicelang .

masakapahay atu niyadu'[mikawaway-kalumyiti | mikawaway tu kalumyiti sakatizeng bangu]

yina u niyadu' mahida tu tawyaay henay mikalul tu kawaw niya babalaki a misaicelang tu kawaw. nika masumad tu ku zitay mikakilu tu nikasasumad malatukay tu ku kilay. idaay ku masakapahay nu niyadu'ay amin. malinga tu a makalah mikilin tu nu udipay nilaculan a lalengawan. atu nu niyaduay nu udip, i laylayan tu matineng nu nilacul i niyadu'. madih kita wakapah ku nikaudip nu niyadu tu ngalep nu kapah. sisa a misaicelang ayda palekal tu naculilan nu malawpesay tu nalalaculan misabalucu' tu kapahay makalah tu painiay tu nu kilal a lalangawan tu naculilan nu sakidaya mitengil tu kungku atu lacul nu lalangawan a misulid yadah tu sakatanektek nu sakay silacul nu niyadu'.

namakayniay a nasulitan nasakamuan atu natinengan[mikawaway-kalumyiti | mikawaway tu kalumyiti sakatizeng bangu]

  • nasulitan ni Hana i 2019 i tida i siwsiwan niyadu'