u kungku ni Api Renged

makayzaay i Wikipitiya
跳至導覽 跳至搜尋

u kungku ni Api Renged

u mapalaway nu Pangcah Lidaw niyazu'.

lacul[mikawaway-kalumyiti | mikawaway tu kalumyiti sakatizeng bangu]

aw kaku satu, ci Api Renged ku ngangan nu maku.

naw adada ku saka lingatu a mapalaway.

patayza a i misaydan nu ina, caay kangaay.

sisa, naitawya, izaw kya baki, ci Bisay Parata, patayzahan ni ina aku, amipuhpuh(除穢驅邪) isaw.

kadihien(可憐,憐憫) i tina wawa, caay kakemet(睡著) tu labi(晚上).

naitawya micumud kaku tu putiput nu mapalaway sa, maka enem ku mihca nu maku.

kangazah(捨不得) kaku tu cabay aku, sisa miliyas kaku, pahanhan kaku matenes. alaw miliyas tu kaku.

caay katenes, siwawatu kaku. siwawa satu kaku tu sasabaay a wawa sa.

mahizatu ku uzip nu maku, katukuh ayza.

u imeleng nu maku sa, masienaw ku uzip aku.

sikiptulay(厚重) a pada(棉被), caay tu kadungdung, sienaw tu ku uzip aku.

kanahantu(即使如此) isasa' nu cilal, maihza tu ku sienaw nu maku.

mahiniay sa, u saayaway ku teka' amala mapalaway a lalekalan(原因) nu maku.

mingaay atu payiyu niya mapalaway ni Bisay Palata.

sakamu sa ciniza, u lalebuhan(火之神) ku di'tu a ngangan nu maku.

sidi'tu i lamal

adada tuway kaku a lalekalan, kyu katuud ku di'tu midiput takuwan.

usakasa, siwawa aca tu kaku, amahica mamikuwan(擔任) tu mapalaway.

musabilitu kyami, miliyas aca kamu.

namakayniyan a nasulitan nasakamuwan atu natinengan[mikawaway-kalumyiti | mikawaway tu kalumyiti sakatizeng bangu]

nasulitan nay paybalucu'ay a kawaw nu subana'ay a pu 2018-1, nasulitan ni Tuku Sayun

tina kungku namakay cudad ni Panay Mulu