u lusid nu Pangcah

U lusid nu Pangcah

u lusid nu Pangcah

ngatu-1

u lusid nu Pangcah, i kabana’an nu nimanima i, sabacal teli’sananay, sulinay dadahal ku niyazu’ nu Pangcah, namaka Tatibulacan tangasa i pusung, midungdung aca tu liyal, caay kanca kamelaw tu kila nalakatan nu Pangcah, sisa pakayla i saamisan a malingatu ku silsil, tangasa i siwkulan atu waliay nu dungdung tu liyal a Pangcah, tangasa i satimulan nu Balangaw atu Palidaw, caay kasasulecad ku lusid nu niyaniyalu’.

ngutu-2

pakayza i cengel kita a miazih, i amisay u lahengangay, muhetingay, bucalah ku tapang, i tizaay i makatimul i, misengi tu zikuc nu Puyuma, simisamis, sicacahebayan i abala, u muhetingay, u kaimuay, u atipulingay, langdaway, sumanahay atu takuliway a cengel. anu semuwal tu zikuc i, a maka tusaay a patekenan nu mihecaan kiyazi a malingatu a sakamu, u Pangcah nitiyahen, u tubah nu kilang ku sapsakidudung a misanga tu tupel, tu tawpaw, sabuut, hundusi, tazip atu satamec, izaw ku nisuli naitiyahen. mahiza ku nipisatapang tu tatayna a misaselal, u zikuc nu kapah atu timpi kiyazi ku maazihay atu sakabana’ tu nikasaselal.

ngutu-3

tadaadihay tu ku zikuc nu kapah, pakayza i tupel, tawpaw, sicaledungay, hahidaw, zikuc payayaw, sakikamay, hundusi, talip, satelec, sateleng, satelep, sacahebay atu nisangaan tu nu balaku nu kalalayan a kucu. u limucedan a kayingi, sinanut tu sapatungal tu zikuc ku tapang. Ila emin nu caluk a lusid i, pakayla i tawpaw, payayaw, mapusutay a zikuc, sukun, satelec atu talakes a masulamud. u tapang nu satungal, ila ku timpi nu babainay, nu babahi i cu’ung, ulet, sabetbet, cangaw, cael, pay’ayaw, sakipatelaw, satamec kaling.

ngutu-4

u caay kaw mamasiday ku tupel, u mamelawan atu sapasubana’i niyalu’, yadah ku nisanga tu sapamisamis tu tupel, tu sapaazih tu takalaw nu uzip i selal, tu sakacaay yaaca kaw mamatudung nu nimanima a macaluk, sisa u sakahemekan ku lingatu nu tupel. u lumasatu u cakaw, izaw ku nipasuwal nu matu’asay, anu tatak ku buhang nu cakaw u sakapahay a sining kiza, sisa yadah ku sasangaan tu cakaw, mahiza u nu lalacan, nu ukak, nu bekeluh, nu auk, nu kilang, nu manaw, nu kangkang, nu banuh yadah caay kaw mamaasip. 

namakayniay a nasulitan nasakamuan atu natinengan

nu suliten nu Pangcah wikimedia