u mapalaway

u mapalaway na maka adi’di i katinengan nu maku, caay han pitiyun,mutaemul,enuc tu macacakay a tulakuk.haemay hani anu makaen tu muta’ tu,mahiza makasanek tu anglisay a tuudtuud. han satu ku babalaki” a mapalaway kinawawa” sa,mucelaksatu kaku, i kiwkay misakakaw,sa kauzip ikiwkay. caay kasumad ku uzip anu makasangek tu muta’tu,cayaytu kaku mukaen,kadihiyan saan. kinapina mipalida i balucu, kya mapalaway ciniza saw.? tengil han u mapalaway nu kauzip caay kadayun.

i sumamad, u mapalaway sa, u kakitaan nu niyazu’, ci utihay a uzip sa,miawaw ku mapalaway a papipuhpuh pasamata ku uzip,anu mabelecay a tademaw i niyazu’, miawaw tu mapalaway, a misakapah tu kakwaw. u sapatudu a tuud tuud. u caay

kapalaway lacus muala mukan,hamin han nu mapalaway patalama’.i tawya caay picakay tu ti’ti’ (basis), u kakitaan ku sausi.

u mapalaway sa, sa mihecaan sa, pakasaw ku kakanen, lacus mukaen tu kenaw usungna,tulakuk,buting,katalalan,atu masangeky a tuud. uyza sa u ti’tinu babuy, daduk atu tayu, hatiza kya kakanen nu heni.

caay kalecad ku lisin nu tatama atu tatayna, na lecuhan katukuh i mabelec, a kina cacay pizatengan a mapalaway a matingdah a kawaw. i waluay tu ku mihecaan atu katukuh i sabaw lima ku mihecaan, patingdah tu, i siwaay a bulad a malingatu. itiya tu, matatengiltengil ku lalumaan atu belawbelaw,malacapu’ a patingdah tu wawa nu luma’, anu siwantan tu nikatatengil nu katuud sa, a taneng tu miawaw tu mapalaway, a cima ku misawawaay itiya awawaan, anu izaw tu ku nisawawaan u patingdahay tu ku kawaw. ya luma’ u tulun,u habay, u epah, u da’dac ku patahekal. u tulun han tu misausi tu

mapalaway, anu papina ku mapalaway,hatizaan tu ku nipisatulun, izaw ku tabakiay masamulmulay a tulun, izaw aca ku adidiay

a misangaan a tulun, sapakelit u sapasisi tu ya tudung nu nipaaca tu namisalisin tu wawa.

a mabuudku matingdahay a wawa, sapitulik ku papaha nu tayu, u sakapahay kunipazikuc, u nipabuud paluhay tu azihan.

sayaway a kawaw maka i labu nu luma’, culuk han kya matingdahay a wawa mipuhpuh, uynian a lisin u tatengaay tu a wawa nu tademaw, pakatineng tu i pabaway a Ditu a papadiput tu sakaatekaen ku balucu’. pakalemed tu nika uzip. mahetek tu (mahemin) a hacacay han a mibetik, a mipuhpuh sa, a taputah tu mapalaw amim. mudadiw tu nu mapalaway a dadiw, mali’epah ku babalaki nu mapalaway katukuh i sansanteb.

u silawaday a tademaw nu niyazu’ tayza amin miazih, u kawaw nu tingdah katukuh tusa abataan a demiad, itiya mahetek tu

ancila u zuma zumaay a luma’ ku patingdahay tu wawa u sademidemiad tu mapalaw. miladay tu ya misawawaay a mapalaway.

a nu caay kahetek ku lisin nu tingdah sa,caay henay mukaen tu buting atu lami’, u nikaen tu demidemiad sa adidi’en, malecad

tu pakasaway,madimel tu uzip masikac tu Ditu.

u sakatusa a mana mapidah,amana katalaw,mitucelis ku tatama: i waluay abulad nu mihecaan,malaheci a milesin,izaw aca ku lisin miukak hananay a lisin, u nu sakitabad (sakitangah) a lisin.u kapah nu saselal, tusa a saselalan tayza i nikangayawan a kenis, mikilim tu ukak nu mapatayay i mala’isay, a sizuma anu hicahicaan a ukak kuynikatepaan patalumaan.