ya 牡丹社事件 hananay

u 牡丹社事件 hanany sa na i 1874 a mihcaan ningsyawan nu Dipun taynien i Taywan midebung a kakawaw. i mahida sa ya Okinawa hananay a balunga na mulalaw micumut i Taywanay a binacadan litangahan nu yincumim a tademaw sisa ya Dipun a hitay taynien i Taywan mingayaw tu satimulanay a niyaduay a binacadan pasunadikudan a nipisakalaecus nu hulam atu Dipun. itini nu Dipunan pasakamu satu kya nipingayaw u （台灣出兵）atu （征台之役）han nuheni pacudad i hekal nu kitakit. inakawaw sa namakay i “明治維新” hananay a ziday nikasayaw tahkal nipikelit tu hitay nu tawan a kanatalay a mingayaw sakusaan nu aydaay i likisi nu Hulam atu Dipun sayaway nika laecus tu i hekalay malcabayay a kawaw.

ya 琉球 hananay a nuhungtyay a kanal sa namakay i hulamay a nu hungtyay henay a mamikuwan sa u misakakaay tu 中國 u hungty nu henisa nau hulam ku pakasingangan tu sakahungty i mahida sa caay ka mapaliwlay misiwbay ku Hulam atu Dipun nika u 琉球 a kitakit, sisa nikahida nu henisa palumata kya Dipun sikaidaw nu 琉球 a kanatalay nudikudan samawmaw sa idaw ku sibalucuan. a maydih mikutay tu 琉球 hananay a kanatalay ya Dipun naitida limaay a bulad midebung i Taywan nika sakalecad nu bulad pataydaan nu hungty kya mikelitay ci 沈葆楨 tayni mididaw tu mamahica nu kawaw misikul tu sikatineng ngawu nu sakayini maylubang atu nu hekalay a kitakit mahicaay kuni kalecabay atu mahica ku nika sasasiwbay sisa ci 沈葆楨 hananay sa macakat ku sikaseneng sakay hekal a malalacal atu ada.

nadikudan sa ya mikelitay nu hulam ci 沈葆楨 atu ci 李鴻章 tatusa sikatinengan nuheni kya kakawaw ahicaen amaytapal sa idaw tu kuni datengan sisa sawsawni pacudad i hungty maydih ku Dipun misasungaay sa u sakasaan sa maltasen ku heni cayay kataneng ku icelang mingayaw tayda midebung tu Taywan sananay sisa i nuayawan sa caay pisikul ku hulam tu Dipunan. misa atekak ku nipabalucuan nu hulam mahida satu ya mikuwanay tu hitay a tatapangan sa ci 文祥 hananay sa pasakamu ihekalan pangiha tu dumaay a kanatalay kuni sabalucuan makayi ku hulam tu namakay i 牡丹 a nika sungayawan makayi pabaysiw sa tu cacacaya a kalibuwah caay katenes sa ya 大久保 hananay amisiwbayay mitakus tu nu 英國 amisaculilay i kanatalay a tatapangan ci 威妥瑪 hananay a misa atekak maydih pasasakamu sisa na i 1874 a mihcaan cacayay a bataan 31 a demiadan masasulit tu 北京專約 idaw ku tuluway a nipapitengil miyukiyu tu hulam.

1.nikahida nu Dipun sa usakay pisimaw tu binawlan nu heni sa u hulam sa tada malakuwit tu kunipaculi saan.

2.nu ayawan nika belecan nu mulakalakay a lalumaan sa apabaysiu ku hulam saan miahen ubakin tu sakay udipan nu muenengay a binacadan sa pasu unisangaan tu luma a misulul tuyi ka siluma itida a sipainien ku Dipun a tademaway itida sakay siwatan a kakatidaan.

3.mamin ku tuudtuud u sakay iniyay tusaay a kanatalay a kawaw nu cudad nuayaway nika sasula’cus a mamin sipibatung alesen sa hanisadikud cayay tu sasakamu lawpesen sa nika ya idaway muenengay henay militangahay mingayaway tu taydaay a binacadan sa u Hulam tu kumamamikuwan sika caay tu anu tayni misiubay ku Dipun tayni i Taywan sa.