Hana Ating

makayzaay i Wikipitiya
跳至導覽 跳至搜尋

kakiliman[mikawaway-kalumyiti | mikawaway tu kalumyiti sakatizeng bangu]

Hana Ateng i siwsiwan.

nilacul[mikawaway-kalumyiti | mikawaway tu kalumyiti sakatizeng bangu]

nu luma' a nika udip[mikawaway-kalumyiti | mikawaway tu kalumyiti sakatizeng bangu]

u nalecuhan nu maku i Nabakuwan tu satipan nu Sakul ci Siwsiwan ku niyadu' nu maku, ci Hana ku ngangan aku. lalima ku calkakaan niyam, u sakatusa kaku, nika i siwaay ku mihcaan nu maku, kapatayan tu nu ina kami. u wama sa tu musakakawaw i padingkiay, yu mahida hen pakuyuc ku nikaudip, sadakaydakay sa misaicelang tu sakaudip, sisa madateng tu ku kamu nu babalaki atu nu baki, nu wama, nu wina, cacay ku nakamuwan a kamu tu sakay udip a maudip nu kawaw, cacay ku kamu lisimeten tu ku udip saan i tamiyan. sakatusa satu ku kamu saicelangeng tu micudad, anu caay kalaluk, nayi' ku laheci a pakuyuc tu ku nikaudip nu luma', sisa kalaluk tu musakakawaw kya masatademaw ku nikaudip saan ku nipangiha nu babalaki nu maku.

nu nipicudadan a nika udip[mikawaway-kalumyiti | mikawaway tu kalumyiti sakatizeng bangu]

malaki satu sa siacawa tu kaku mikadabu i Ci siwsiwan nayuwawa henay kami nu malcabayay balaki , tatusa ku nilecu han aku, sakakaay u tatamaan, sakatusa u tatayna. u acawa satu nu maku sa u 公務員, malasaydan ku kawaw nida, yadah ku katinengan tu nalimaan a canancanan a sasanga'an tu tuud cinida, u sakadihan nida misanga' tu luma', u luma' niyaan misanga'an nida sacacay sa misanga',matenes makaala tu cacay a mihcaan kya luma' haymaw han nida, misanga' masaduma ku nisanga'an, nayay ku malacaday tu nisangaan kya luma'an masaduma salungan a dihan sapi' sa ku balucu makaadih.

namicudad i cacudadan henay, u caay pitengilay kaku micudad, caay kakapah ku nicudan u tanengay nika matineng misanga tu nalimaan miapid mikawid tu tuud, namicudad satu kaku makaala i cacudadan tu kawlah nu nubu nu cacudadan sisa sadakaydakay sa minanam a misaicelang tu cudad kaku , caay pakalihalaw tu luma'ay a tademaw kaku, caay pakalibut tu babalaki atu laluma'an, sacacay saan kaku misaicelang maudip hanikabalaki katukuh ayda.

nu maku a nika udipan[mikawaway-kalumyiti | mikawaway tu kalumyiti sakatizeng bangu]

balakisa tu hatini ku nikaudip tayni i hekal maudip nu maku alaw enemay tu a bataan ku mihecaan, keme han mikilul tu mihmihcaan balaki tu ku nikaudip baketu ku balucu midate tu nidatean, balaki balaki satu matenes tu demiad makadateng tu i baatay u macapiay a nikaudipan pinaay tu hakya ku demiad nu nita a maudip, ayda u sakay i luma'ay kaku musakawaw, yu mahida hatida ku labades namaudip a hicanaca tu nikangelu u mahida izaw ku nu makaybalucu'ay a nidatengan sabaaden tu ku nidatengan sisa a mikukay kaku tu paudipay atu pahabayay nu babalaki, pabelien i takuwanan sakakapah nu luma’ a maudip nu maku, izaw tu ku cilemin,sicedamay ,akenekay , aledahay tu nikaudip nu maku, yadah ku sakatawaan aku sakapah limulaken tu kuni datengan nu balucu', a hicanaca u nikaudip nu maku pakedu han tu sakapah han tu ku udip ayda kya tadayu ku nikaudip.


namakayniay a nasulitan nasakamuan atu natinengan (參考資料)[mikawaway-kalumyiti | mikawaway tu kalumyiti sakatizeng bangu]

  • nasulitan ni Hana Ateng i 2019 mihcaan