Nauru a subal
Nauru a subal i tiza i timulbayu nu satipan nu Micronesis, singangan tu kakalayan a subal han, Nauru a subal u ahebal nu lala’ sa tusa bataan izaw ku cacay kaahemal, i kitakit u saadidiay a subal.
nahatini i malebut a mang a mihcaan hawsa, pinaay tu cay tu kaasip kuni bayu ayam tayni kunian adidiay a subal pahanhan tini mueneng tina subalan, yadah kuni subelidan tu tayi’ nu ayam, satu sa macaliway tu ku pinaay tu a mihcan a bulad, ya tayi’ niya ayam masuma tu, mala u kapahay tu a damek sadangdang sa pakala tu cacay bataan a mit kakibetul, pangangan han tu nu tademaw min tu “phosphate”, ya subal mahamin payhun lima a tulu matahpu tu nu “phosphate”, uyza ya “phosphate” u kakaydahan nu kusi atu malukay, ahebal yadah satu ku kakaydihan, satu ayadah masebek satu kuni patahkal i zumaay a kanatal, zayhansa u nu uzip a kanatal sikulisiw tu kakitaan tu, kapah kuni pidiput tu binawlan min, sisa “Nauru” a tademaw caay tu pisakakawaw u wawa cay tu picudan u sapihica micudad sa, satu yadah masebek satu kuni patahkal i zumaay a kanatal tu "phosphate", uyni u sapasubana' sapaising u sapisaluma’ patizeng tu canancanan amin hawsa cay pakakulisiw, ngaleb satu payluma’ micakay min tu hikuki, misanga tu pahikukian mahiniay u “phosphate” hananay u siacaay a laculaculan a caay tu ka izaw ku mahiniay, masebek kuni pikutkut miala, hahini tatenga’ acaay tu ka tulin tahedauc kuni palekal tu “Nauru”, “Nauru” a subal u kalisiw hamin han miyung i pidiputan tu binawlan sapahabay tu babalaki sapicudad nu wawa mulecuhay atu mapikihay a tademaw, mahamin caay tu taneng a palekal midama tu nilaculan nu“Naurur”. “Naprer” i 80 a mihcaan mala u kakitaanay tu i kitakit a kanatal. u kakitaan tu sa i tiniay a tademaw masumad tu na uyaanay tu kuni kauzip, mahiniay u tatuni’ a kakanan atu tabaku, alikulu, epah, nikauzip nu tademaw siledek maduka tu ku uzip, cay kahatiza dada’, nanialaan tu “phosphste” hawsa mapeci’ tu kuya masatunduhay a ba’tu, satuway mahiza tu u bukelal maanal tu, ayza satuway “Nauru” payhun 75 a lala’ lacus tu a enengan, nau kapahay alala’ caay tu kalecad tu nu ayza, napatahtah kuni kauzip malakui’ tu, nanihabelut han kupalawpes tu kalisiw macunus saca nu cenbu tu cayay katatudung kuni makakadum patahkal tu kalisiw haw sa, “Nauru” azihan sa maluayaw tu makihkih ce'bu, ce’nbu uyzasatu dada’ atu “Australia” macacudad masasukapah, a musumad misanga’ tu kapulungn nu mapululay amiala tu sapipadeng tu zumaay a kanatal.
- namakayniay a nisulitan nasakamuan atu natinenga.
- Taywan Youtube a 影片認識瑙魯島
- nisulitan ni Sabak Tutuy i 2019 a mihcaan itiza i Hupu a ziyazu'