Taywan amislic

makayzaay i Wikipitiya

kakiliman[mikawaway-kalumyiti | mikawaway tu kalumyiti sakatizeng bangu]

Taywan amislic,Taywan mapulung iza ku tulu amislic a hecek, liwasak i Ciyai' a niyazu’, Nabakuwan kuhkuh a niyazu’ Bakung, uynian amislic a hecek paya itini i 11 a zazan 70.5 kungli a kitizaan,

nilacula[mikawaway-kalumyiti | mikawaway tu kalumyiti sakatizeng bangu]

salenga sa yahecek muneng i sadipasan a buyu atu waliyu salungan sa, hina lilid tu katuuday tayniay misasingay a labang, pahahanay , nika matineng kisu haw izai uynian amislic a hecek i teban izaw ku cacay a ngela' a buhang haw, amislic uyni nituzu’an amisan tu 23.5 tu', mahizaay salaliyasa tu kakutiay atu alababay, u kahapinangay uyzaan Taywan amislic nu timulan u kawaw maluk palumaan, i kakitiay sa u palingad atu seykyaw, i nu wamisan nipalumaan sa mahizaay alababay nipalumaan uci'ya atu tipus, u lalud katukuhan tu kalahukan sa mapacila tatudung sa mapadil talbu niya ngala’ buhang nuya hecek a amislic, ayzasatu, tapiingan nipatizengan u labang tangsul a mitanam tu i sasa cayay kaazih tu nayi' ku adingu, sisa micaliway nauyzaan tayniay pasasing asakiningan sa, kapiazih piasip tu nakamuan a paya matineng tu mitesekay kaliyuhan sepatay puu’. lahad a mauzipay mulangaway. amislic a hecek nu timulan u kakiti’ay a kitizaan, i nu wamisan azihan u kakuti’ay a kitizaan, satu, masemetuy a kitizaan, kaliudaday, kyu, i tiniay a kilakilangan macebed, nipalumaan malubic. kahunghung a niyazu’ micidekay ku ba’tu, kahunghung a niyazu’ tusa micidekay ba’tu itiza i Nabakuwan ka lalitemuhan i capi nuwaliyan amislic a hecek a azihan madayum ku saculil. nay pay 11 a zazan 73k kitizaan, pakelang balunnga luma’ taayawan muculil katukauh datipasan, a maazih ya cacay masaatiladay a ba'tu mahiza u nitepikan a hakun a wayway, duduc han yu enemay kalimucu’ay kaydang tapabaw han muculil sa, ya masaatiladay a ba'tu i pabaw niza mahiza u kapuwasan nu lamal, u niculilan nu malalanu’ay a lamal mala luud tu nu buyu' a lamal. zuma cacay masaatiladay a ba'tu masahecekay nipuwasanan nu lamal a ba'tu malecad masiluc tuway min, i pabaw mulangaw tu yadah ku mahicahicaay mulangaway malukutay. itini nuwaliyan pilangawan nu pidakelung cay ka yadah, muculi tini a kenis, kapisikul tu isasa nu kuku’ mulangaway u mahizaay lutuk a sapuluma tu pidakelun. kahemid a niyazu’. Tafokan a niyazu' palaelan a sauwac, pangcah a kamu [ kalikeluha] sananay, zayhan sakatahkal nu sawac i bayu macapi ku amislic hecek tatudung sa kalikeluhan nu a kutiay alababay. palaelan a sawac cay kakatuud ku patadasay a tademaw, hizaentu nu buyu’ a kilakilangan nu uyaannay tu lahaday a liwliw, a iyadah ku nilaculan nu lahaday mulangaway mauzipay, mahiza u caket, Taywan a Mogera insularis, Callosciurus erythraeus,Hylaran latouchii, China Hyla chinensis,Taywan a bulalangat hatiza.  katahkalan nu sawac a nanum i bayu pabesuc malalikeluh tu bayu, ahaciday bayu atu abesaay nanum macacamul u micidek a liwliw, matatungus miselep tu nu bayuay hakya panukasay mauzip u buting kalang kabus, sisa muculal tu, yadah ku kasatimanay mauzipay i nanum, tinaku kahemid, Pinnotheres, Taywan Eriocheir rectus Macrobrachium formosense, tuda, lipun a Sicyopterus japonicus, Kuhlia rupestris hatiza. uyni u pitapal tu macacubelisay a buting kabus kalang u kapahay a kitizaan; sangaleben u lalud balangbangan, asipi han pinaay a mang Taywan Eriocheir rectus, adidiay a Eriocheir rectus, tapabaw mikilim tu nu tuas sakata luma’ a zazan, katuud sabeleng maluyalu, kakekan miazih, Cawi a niyazu’ misimaw tu Tabukan a sawac i liwliw nu mauzipay, i 88 a mihcaan patizeng tu palaelan a sawac midiputay tu sawac a sakaput, i niyazu’ay min a binawlan milihizamin atu musakawaw misimaw tu sawac,satu Tabuka a sawac mauzipay nilaculan a masakapah kuni pidiput.

nisulitan[mikawaway-kalumyiti | mikawaway tu kalumyiti sakatizeng bangu]

  • namakayniay a nasulitan nasakamuan atu natinengan
  • Taywan 東海岸觀光局Googie 認識Taywan北回歸線
  • nasulitan ni Sabak Tutuy i 2019 a mihcaan itiza i hupu a niyazu'