padakaw a satebuc

makayzaay i Wikipitiya
跳至導覽 跳至搜尋

kakiliman[mikawaway-kalumyiti | mikawaway tu kalumyiti sakatizeng bangu]

2020 a mihcaan mabuwah ku satabakiay padakaw a satebuc, i cacay a buladan,sabeleng pabesuc sa tayza micumud i “keniya” a kanatal, mapulung ku baket niya padakaw pakal tu cacay a bataan amang kungtun tulu malebut enem lasubu ai’k kya padakaw, uyza cacay dada' ka saluyaluy niya padakaw enem lasubu kugli tu ku katanaya’, sepat lasubu kungli ku ahebal cacay a lamangan ku sakaluyalu mapulung tu masa padakaway, paydemiad taneng mubahel tu siwa a kuli ka batad.

nilaculan[mikawaway-kalumyiti | mikawaway tu kalumyiti sakatizeng bangu]

sakamu satu ku “linheku” anu cay ka sakapah amitena’ mikuwan kuyni a padekaw, uynian a padakaw hakay i pinaay a pilipayan a katukuh tu i “Africa” atu “Asia” tu tulu bataan a kanatal ka kayadah. ayza tu sabaw lima tu sabaw pitu a demiad ya padakaw muculal tu i “Pakistan” a kanatal sakamu sa ku situngusay tu kakanan a pucang, ayzaay tu pidebung nu padakaw i laylay nayay henay ku mahiniay ka tebuc, ya padakaw micumud tu “Kenya” , “Somalia” “Ethiopia” a kanatal atu mahami ku nu walianay a “Africa”. mahamin tu makan kuni palumaan tu kubkub tubah habay atu mulangaway papah nu kilang, nanikanan niya padakaw maakiakik tu kini palumaan, baang han miazih ku tapuku mahiza u ladem matahpu tunu padakaw ku tapuku, ekek’ sa pakazih atu tunutuwa’ satu ku binawlan miala tuway tu culay miwatawat amipatay u zuma a tademaw miala tu kuwang paysayza i pabaw mikuwang zuma satu miala tu siuy atu canacana amikungkung bibahbah tuya padakaaw, icuwa aca cay kadayum amipatay tuya padkaw. ayza u “Pakistan” atu “India” cumudan tu nu padakaw, mahamin tu makan kuni palumaan, kanahatu yadah  ku hikuki, anu wiza u hikuki nu hitay ku sapipuwak tu sapayu nika cay tu kapa hamin pakapatay tuya padakaw. hinisa ku mitesekay a tademaw, anu cay tu pakasatezep kuynian kayadah na padakaw hawsa, katukuhtu i sepatay a bulad kazuhem nu salangecan hawsa amabuwah asabeleng satu kuza padakaw kiyadahan tu lima lasubu. u paydemiad a sinbud nu “Engiand” patahkal tu kamu i tusay a bulad tulu a demiad, naaya a pilipayan “Pakistan” pasayza hamin i kanatalay a musakamu tu biyawlan tu mahiniay u pihacengay sakalahannay a kawaw. “Pakistan” u sakatuuday nu tademaw, u cayay ka ahebal a lala’ ku sakalukan a kanatal, uyza u kakanan taneng sa a mabecul ku tademaw, anu ya malebut ai’kay a padakaw lalid anus mukan tu nipalumaan hawsa. sautangay katukuh i 2021 a mihcaan, “Pakistan” a nayay tu ku kakanan nu tademaw. i “Pakistan” lima bataan izaw ku sepat a kenisan, payhun 48.6 ku binawlan cay kataneng pawadawada’ tu kakanan nu tademaw,“Pakistaan” u sakatusa ku “South Asia” u kakapahan ku nu “Pakistan” papalumaan tu canacana a kakanan, a izaw henay ku payhun 17.2 ku cayay ka taneng ku kakanan nu tademaw. sakamu sa ku micekiway a sakapud nu “England”, “Pakistan” i kitakit usasaka cacay lasubu sepat izaw ku walu ku kalihanawan nayay ku kakanan nu tademaw, i kanatal ni pasilsil tu nganga saka cacay izaw ku cacay. u kalihanawanay a kanatal tu manikaway tu kakanan. “Pakistan” maydih a pakayadah tu nilangecan tu kakanan tu payhun sepat lasubu atu lima lasubu kayadah, tuyni a katuud nu tademaw amicunus pacakat tuni laculan tu kapahay a kakanan nu tademaw, nika manikaw cay kataneng ku nanum nu “Pakistan”. 2015 a mihcaan a palecad tu nananuman nu tademaw kaadidi’an tu cacay malebut libangmi ku ditek, “Pakistan” u cayay ka taneng ku namum sisa cayay ka kaluk ku umah, uyni satu nikakedal nu demiad cay kadayum amaydih a macakat kayadah ku nilangecan. satu sa u “Pakistan’ kanca a micunuses tu payhun tu sepat bataan atu lima bataan ku kayadah nu kakanan. kya a taneng a maedem ku kakanan nu tademaw tu nu ayzaay ka katuud nu tademaw. ayza satuway a musuayaw tu mahiniay a kawaw, acay ku dayum macakat a yadah ku kakanan dada’. satu a kalihanawan a maselep. musuayaw tu i “Kashmir” atu icapiay a “India” a hitay siwa bataan amang ku misawacuay makatalay a tademaw, ayza u “Pakistan” malawlaw masakalah tu ku balucu tu mahiniay a kawaw, sisa, u paydemiaday a sinbun nu “Engiand” i tusaay a bulad tulu ademiad pasakamu satu, “Pakistan” a kanatalal musakamu tu binawlan tuyni katebuc u sakalahanay tu ku mahiniay a kawaw sa. nika u “Pakistan” patahkal tu hikuki amipadang tu tuud titaan u Taywan tu sakilaway. kanahatu ya padakaw kapah ciyanen tu simal kapah kanan, nika musuayaw tina padakaw cacay a demiad taneng makan ku pinaay a kubu nu umah, anu kanankanan nu mita u tademaw kyami hawsa a caay tu pakalaheci tuyni a kawaw. ayza u “Pakistan” nanisawacu’an nu hitay nu“India”, satu debungan tu nu padakaw ku kanatal nu hini, ayza mapulung tu ku itizaay a tademaw amipatay tuya padakaw. malepacaw tu padakaw, anu caay ka paka hamin mipatay tu ya padakaw hawsa, ya padakaw a lalid satu taayaw mumahel tayza micumud i “Dongnanya”, “South Asia” a kanatal tuwaca a mangaleh a yadah satu kuni tayzaay a kenis, mukan tu canancanan tuni palumaan, sakalah satu maydih tu sinmungay mipuwahay pasapayuay a hikuki a mipatay tuyza padakaw, debungay nu mahinian Akuma a padakaw, a cacay bataan ku hikuki mipasapayuay amipatay tuya padakaw cay tu ka taneng

namakayniay a nasulitan nasakamuan atu natengilan.[mikawaway-kalumyiti | mikawaway tu kalumyiti sakatizeng bangu]

109 a mihcaan i YouTobe ci Sabak Tutuy i Hupu a niyazu'.

[1]

[2]