Nepal a kanatal izaw ya cacay a sining

kakiliman (摘要)

sabaw cacay ku mihecaan niza miliyas tu luma’ sabaw sepat malingtu tu ci niza, mikilul tu nu kamisama a kawaw. 2005 a mihcaan, i tiza i buhang nu kilang ci niza muneng miinuli, cay kapikan caay kapinanum caay yaca kapiisi mutai’, cacay bataan a bulad tu ci niza muneng haw sa, makatukuh tu i binawlan i cuwcuwaay tu a kanatal ku kawaw niza, ci "Palde Dorje" ku ngangan niza.

nilaculan (內容)

namalingatu muneng miinuli ciniza tu pangkiw a mihcaan haw sa, makatengil tu ku Nepal a cenhu, cuicul hantu ku ising atu mikingkiway a tademaw miazih. satu pakatengil tu ku i cuwacuwaay a tademaw hawsa, malawlaw tu ku katuuday a tademaw tayza a miazih, saakuakuway satu ku tademaw akatukuh i tiza, u katuuday sinziya a tademaw kalamkam satu tayza a mibaung cinizaan. caay pikan caay pinanum caay yaca piisi’ mutai’ tatenga’ caay tu ku nu tademaw ku mahiniay sa, micalap tunu nipahcekan nu tahak a kawaw, i tawya amisalaheci tuyzaan a sining tatenga’ haw u kabiyalawan asaan, uyni miazihay satu a pintaw lalid sa misasing cinizaan sepat a demiad sepat alabi i. azih han i 96 a tatukian tatenga’ caay kapi saungaungay kya sining, atu caay ka kudus aca ku uzipi niza, ya bihid niza mahizatu bunabunalan tu, satu kakilukilul katuud katuud satu ku tademaw tayza mibaung ci nizaan, tuwaca pakalatu cacay lasubu a mang ku tademaw, uyaan usatezep nayay ku suni a kilangkilangan hawsa, masumad tu mahiza u salangsayay nu mipaypayay makengkeng, uyniyaca u pisaluimenga nu kazizeng izaw tu. uyza kacangalan sa ku liwliw.Nepal a cenhu langat hantu ku liwliw niya kilang. cacay ku langatan caay katanengen satu tulu satu ku nilangat tu liwliw, u pieneng ni ya sining, nau salengacay ku zikuz niza sa matuduh, satu mahamin tu matuduh ku zikuz niza, azih han ci niza caay kahica kapah tu ku banges, pakutay han tu baluhay sumanahay a zikuc ci niza, malalid tu muneng miinuli. satu ya baluhay a zikuc niza mahiza matuduh tuway, nikatuduh niya zikuc makacacay a tatukian katenes, uyni u kaww niza mamin masasing, katawidan min nu binawlan, uyni u pineng piinuli niza tu waluay a bulad, i sasa niya kilang culal sa kya cacay ciledekay a bau maduka kuni kalatan niya bau ci nizaan, nika caay kataising kya sining, caay yaca paising atu mukan tu canacana a sapayuan, u eneng niza miinuli a misakapah tu lalabuay nu uzip, ya uzip niza kapah satu mangaay tu kya dukak, uyza ya sining u katawidan tu ku mahiniay, Nepal atu Nipol a sinziya maseneng min mikilul cinizaan. uzuma tu ademiad bahel sa mahedaw caaytu kaazih ya sining, satu tulu a mihcaan mazih pinaay a papisingan ciniza, sakamu satu ya sining, caay ku kamisama kaku sa, u muliyaway mauzip tayni i hekal ci zinpuci’ kaku sa, anu caay kalawlaw nu katuuday a tademaw kaku hawsa a matemuy pahcek tu enemay a mihcaan a miinuli pakasakamu tunu kamisama a kawawa, uyaanay i 2008 a mihcaan u mipupu’ay ci nizaan a tademaw i pabaw nu lala mikutkut tu cacay abuhang, a pieneng nizaan i labu miinuli, a izaw henay ku cacay a saydama’ a mipadang mipupu’ci nizaan, sisa caay ka tepa nu katuuday ci niza. 2010 a mihcaan culal satu ci niza musakamu tunu kamisama’ay a kawa, atu musakamu tu kawaw nu mita u tademaw, uanub u ungang nu tademaw pihaceng tu pizazima tu kitakid, a padebu tu lacusay. maydih a pauzip kitakid atu pazumad tuyni u lacusay asepi, ayuni dada' u sapiinuli akawaw, anu mikilumin ku binawlan tu kamu nu kamisama ku tademaw hawsa, a masumad ku kapah nu kitakid, sakamu satu ci niza a lalid satu panutek palekal tu tineng a muenenng i tini, katukuh i katineng nu uzip tunu kamisama sa.

namakayzaay a nasulitan nasakamuan atu natinengan (參考來源)

• nasulitan ni Sabak Tutuy i 2019 a mihcaan i tiza i Hupu a niyazu'