Taywan tulu u satabakiay a pakilangan

makayzaay i Wikipitiya
跳至導覽 跳至搜尋

kakiliman[mikawaway-kalumyiti | mikawaway tu kalumyiti sakatizeng bangu]

Taywan tulu u satabakiay a pakilangan i kalipunan tu1890 a mihcan pikuwan henay nu lipun ku Taywan hawsa, sibalucu’ tu a mipatadas tu buyu’ nu Taywan, u kamu nu tau tu tuluay a pakilangan, nituzu’an sa uynian u “nialisan a pakilangan.

nilaculan[mikawaway-kalumyiti | mikawaway tu kalumyiti sakatizeng bangu]

taypinsan pakilangan atu pasin pakilangan”. satu i kalipunan pikuwan nu lipan titaan u Taywan hawsa, malingatu tu patadas tu buyu’ a mikilang u kahenulan nu lipun ku pakilangan. itawya i kalipunan yadah ku niketunay tu satabakiay u kasatiman atu matekesay a kilang nu Taywan, na milawat tu piketun tu kilangan henay hawsa, maluayaw tu maculu’ patayza i lipun mala u sapisanga’ nu heni tu luma’, ayza pazuma hantu ku situngusa u Cung huwa min kuw satalakawayan kalukday linu’ci satu, au i cuwaay a kilangkilangan nu buyu’a kenis auyzaan tu ku mikuwanay. Taywan tuluay a pakilangan u saayaway a patadas hawsa i Alisan, i 1912 a mihcaan malingatu misakilang ku lipun, sakatusa i 1915 a mihcaanu Pasin a pakilangan, sakatulu i 1916 a mihcaan u taypinsan a pakilangan. uyni na pakilangan u palecad tu kaahebal a kayadah ku kilang sa, u saayaway ku Alisan a pakilangan, sakatusa u Taypinsan a pakilangan, sakatulu u Pasin a pakilangan.Taywan nazikuzan nu lipun kyami hawsa zayhan nazikuzan na mangangayaw madih a misebek miletek tu kilang. i kahulaman tu 47 a mihcaan katukuh i 65 a mihcaan u pikilanga a mihcaan.paymihcaan piketun tu kilang hawsa mangasiw tu cacay a lasubu mang adepah, katukuh i 52 a mihcaan tu nu kasumamada i 1963 a mihcaan masatesep tu miketun tu kilang, mahizasa paliyucan tu mala u nu kilakilangan tu a piidangan. alisan a pakilangan hani aca i kalipunan uyni cacay tuluay a pakilangan ku satabakiay u singanganay aca, satu itiza u sangaleb satu yadah ku canancanan u mulangaway milaladay a mauzipay, kanatal nu mita yadah tu ku talakaway a buyu’ azihan ya ladem mahiza u bayu, ka salungan, kanihalan, atu kalabiyan salungan azihen ku hekal, ayza alisan mala u sakanamuhan kakaydihan tu nu labang tayza midang, i Taypakay a taypinsan atu Pasin a buyu kilul satu misumad mala u piidangan tunu kilakilangan a buyu', a pawasa tu binawlan sakapahay piidangan nu kilakilangan a buyu’, mala u kakaydihan tu nu labanng a katayzan.

nisulitan[mikawaway-kalumyiti | mikawaway tu kalumyiti sakatizeng bangu]

  • namakayniay a nasulitan nasakamuan atu natinengan
  • Taywan [ 歷史系列-01]Youtube認識台灣三大林場
  • nasulitan ni Sabak Tutuy i 2019 a mihcaan itiza i hupu a niyazu'