miala milisimet tu malumanay a zikuz

makayzaay i Wikipitiya
跳至導覽 跳至搜尋

miala misinanut tu malumanay a zikuz

kakiliman[mikawaway-kalumyiti | mikawaway tu kalumyiti sakatizeng bangu]

2018 a mihecaan u Taywan kasasuayan a mihcaan milisimet tu malumanay a zikuz, anu cay tu pidimel ku cehu, Taywan mimihcaan a yadah tahkal ku enem a mang kuntun ku malumanay a tatuni’ a zikuz, mahiza u ''inlin'' a niyazu’ nituduhan a tatuni' tu nu cacay a mihcaan ka yadah. ayzasatu, a musuayaw tu saupu sanay i lala’ ya malumanay a zikuz, caay tu kasakapah ku mahiniay a kawaw, nayaw, "i Tayliyuk u satabakiay a kitizaan misulutay tu malumanay a zikuz, Taywan cacay aca tatengaan u pawasaay tu kenis, asip han paymihcaan patayza i Tayliyuk izaw ku pitu lasubu a haku ku tuud, nika ayza azihan maliyut tu, mikilul tuway tu Tayliwk ku kacakad nu nakulisiwan、 micakayay macakat tu ku nikauzip, u Tayliwk namilungucay henay tu malumanay a zikuz ayza u mala pawasaay tu tu zikuz,

nilaculan[mikawaway-kalumyiti | mikawaway tu kalumyiti sakatizeng bangu]

paybulad a patahkal patayza i AFrica tu cacay malebut lima lasubu ku haku a tuud 、India a kanatal. cunusan aca tu America Lipun Korea a kanatalay tu pawasaay Taywan u malumanay a zikuz haymaw satu malawpes kuni kadademec. uyzasatu namakay 2016 a mihcaan namiusiwgac malingatu tu tusaay a bulad, Tawan malumanay a zikuz patahkal i nutauan a kanatal, u aca mahiza tu u mapeladay a sulda selic, sacacay sa a niyazu’ caay kalecad ku tuud, nikaselep tuwaca namakay cacayay katukuh i cacay bataan tu, 2017 a mihcaan tu, tayni i tini Taypak Sulin a kenis Cung huw minku mapikihay huen a siyehuy u mingangahutay tu malumanay a zikuz hawsa. izaw ku cacay pabaliway a patiyamay pacakayay tu malumanay a zikuz, nasawni sanay miculu’tu cacay bataan kuntun kabaket a zikuz, lisimeten henay nu heni mipili’ a patahekal. naayaw cacay a kazizeng malumayay a zikuc taneng mapacakay tu sabaw tusa mang a kalisiw nu Taywanay a kalisiw, ayza cacay mang lima malebut tu dada’ ku kalisiw, iayaway a liscang、ayzaay a cang u’ ciyen s’ Tang ciyen siwng a tademaw lingaling sa ku tangah nuza musakamu, tusa a mihcaan kaapuyu’ a demiad, malumanay a zikuz na cacay adaduy sabawtusa a kalisiw mahtik tu cacay kulu lima a kalibuwa’ tu. sikul han ku hungen siyehuy i kalubican henay hawsa patahkal tu malumanay a zikuz, paybulad taneng ala tu lima lasubu kungtun ku malumanay a zikuz, micumuday a kalisiw pakala tu lasubu mang,siliwan tu niculu'an kawawan ka kalisiw, ayza, pisupedan a haku tu malumanay a zikuz haymaw satu makedi’, i Taypak cacay lasubu tu ku liwan、baluhay Takay enem bataan tu、u kilung sepat bataan izaw ku lima tu, kanahatu u satabakiay mingangahutay a kusi tu malumanay a zikuz hawsa, nika nabuladan micumuday a kalisiw cay kataneng pabi tu misakakawayay tu kalisiw, sademiad sa miazih tu masaupuay i lala’ tu ni pali’an tu nu sadingsingay balangbangay kasienawan a zikuz.

nisulitan[mikawaway-kalumyiti | mikawaway tu kalumyiti sakatizeng bangu]

  • namakayniay a nasulitan nasakamuan atu natinengan
  • Taywan YouTube獨立特派員認識回收舊衣服
  • nasulitan ni Sabak Tutuy i 2019 i tiza i Hupu a niyazu'