pangcah mudadiway ci calaw pasiwali

makayzaay i Wikipitiya
跳至導覽 跳至搜尋

kakiliman[mikawaway-kalumyiti | mikawaway tu kalumyiti sakatizeng bangu]

Taywan Nabakuwan u wawa nu pangcah ci calaw pasiwali mudadiway ci Calaw milakui’t tu walibayu atu timulbayu

nilaculan[mikawaway-kalumyiti | mikawaway tu kalumyiti sakatizeng bangu]

Taywan Nabakuwan u wawa nu pangcah ci Calaw pasiwali , mudadiway ci Calaw milaku't tu walibayu atu timubayu, mahiniay kaahebal kyamihaw sa a mahini tu kaahebal ku kamu nu mita u Nantaw a kamu, Nantaw hananay a kamu, kasatipan katuku i "Madagascar" a subal, satu i tiniay titaan Taywan a mudadiway a pangicah ci calaw pasiwali hananay a tademaw, misanga’ ci niza tu baluhay a dadiw zayhan natayza ci niza i Madagascar a kanatal kyamihaw sa kilul han niza ku tizaay a ngiha’, u ngiha' nu i tizaay atu kamu sa malecadtu kyu mahiza u salama hananay i "Malagasy" a kamu hawsa mahicatu sanay. hinisa ci niza u salama hananay hawsa tungusay u tizaay a sausi, nu pancahay hawsa tayni sa manamuh tayni miidang kamu sa. winian sa baluhay ni sangaan ni calaw pasiwali baluhay a dadiw, kyu pangagan han niza  salama. ayza i pituay a bulad sabaw sepat a demiad mipadaesu kyami hawsa mitatengil tu katuuday patahekalen niza isaw kuni kilutan nisasingan niza i katuuday, nisangaan tu cacayay "Polynesia" hananay a dadiw, misapangcahay mudadiway ci calaw pasiwali hananay a dadiw. matineng ciniza Malagesy hananay. u matinengay tuyni mudadiw hanay ci "Kilema" kuheni tatusa pakayni i natimulan a subal hananay a kamu, u kamu dadiw atu lalangawan kyami haw, izaw yadah ku lecad i tini i lalabu. kyu ci calaw kyami atu ci Kilema a lacecay sa ku heni amisulit tu dadiw atu kaput nu heni hawsa, tayza sa kuheni i zumay a subal tuyza i Madagascar a subal u mibutinga a niyazu’ kuyzaan, itiza isaw kuheni amala cecay amisulit tuyni u dadiw hanay, uyni ci calaw nisulitan niza a dadiw pangangan han niza tu salama sa, uyni a kawaw sa a masasuazih ku heni hawsa u salama hananay ku kamu nu heni, nu pangcah a sausi tayni miidang sanay, satu uyni Malagasy hananay a kamu hawsa sausi kapah izaw kisu sanay, itiza satu kuheni amalingatu, misulut tu ngiha’ atu nisulitana a dadiw nu heni hawsa, sulit hantu nu heni a pakay sasingen nu heni Kiluken nu heni uyni salama hananay sa pala kungkuen nu heni , maheza isaw kuni kauzip nu itizaay, milihiza ci calaw atu cabay niza, ayza pituay a bulad sabaw sepat a demiad mipadaesu kuheni paazih tu nikilukan nisasingan nu heni, pawada’ tu Madagascar a subal, itiza i zumaay a subal milingiha’ tu dadiw sa, mataneng ni calaw ku kawaw isaw, itiza satu mihalhal haca amalacacay ciniza amasunanam tu a maazih ku Taywanay a pangcaha atu tizaay nikauzip, u lalangawan nu binacadan malecad tu ku nikauzip.

namakayniay a nasulitan nasakamuan atu natinengan[mikawaway-kalumyiti | mikawaway tu kalumyiti sakatizeng bangu]

  • nasulitan ni Sabak Tutuy i 2019 i tiza i Hupu a niyazu'